FCB-Forum

Fresher Thaifood über den Mittag in Kaiseraugst beim Thai im Coop-Gebäude oder direkt vis a vis (20m Entfernung) in der Baracke/Holzhütte.

Vielleicht schlechtere Qualität als in euren Edelthaischuppen aber trotzdem sehr lecker und dafür zumindest IN DER BARACKE bei den 2 billigen Nudeln-Pouletgerichten ABARTIGE PORTIONEN!!!!.

Y gang oft übere mittag in "typisch thai" bim bahnhof hinteryygang. relativ günstig und guet.

Schluggspächt hat geschrieben:Y gang oft übere mittag in "typisch thai" bim bahnhof hinteryygang. relativ günstig und guet.

Jo dörte issisch au guet und günschtig.

Wenn aber id Sempacherstross laufsch, isch dörte grad s Thai Restaurant Su-Li. Au guet und günschtig.

Schluggspächt hat geschrieben:isch das nid das lokal wo zerscht e puff, denn cuscus stübli, denn margarethen pub gsi isch und jetzt e thai restaurant?? Ohje. Das wägslet jo au all halb johr mol 's konzäpt - und keins verhebt schinbar. Ghörts immerno em chef vom route66?? uah scho nur d'vorstellig e restaurant wo so suuber isch wie 's sixty

Das weiss ich leider nid. Sind Kollege/inne wo das füehre. Und dörte is suber!

bs_eagle hat geschrieben:Fresher Thaifood über den Mittag in Kaiseraugst beim Thai im Coop-Gebäude oder direkt vis a vis (20m Entfernung) in der Baracke/Holzhütte.

Vielleicht schlechtere Qualität als in euren Edelthaischuppen aber trotzdem sehr lecker und dafür zumindest IN DER BARACKE bei den 2 billigen Nudeln-Pouletgerichten ABARTIGE PORTIONEN!!!!.

Was heisst do Edelthaischuppe? Die won ich empfohle han, sind das gwüss nid. Sind kleini aber feini Thai Restaurant, won ich d Wirte/inne scho syt Joore kenne und s Priis Leischtigsverhältnis stimmt..
Und wieso sött d Qualität bimene Thai Take Away schlechter si? Kasch grad so guet immene Edelthaischuppe schlechter esse und hesch de no me zahlt.

bumbui hat geschrieben:Es het äs neus Thai Restaurant ufgmacht in Binnige:

Restaurant To-Rung
Baslerstrasse 7
4102 Binningen

Kasch dörte au Karaoke singe.

Isch das die, wo vorhär im Mekong, im Gundeli bi dr Münchesteinerbruck, kocht het?????

*bitte bitte bitte*

bs_eagle hat geschrieben:Fresher Thaifood über den Mittag in Kaiseraugst beim Thai im Coop-Gebäude oder direkt vis a vis (20m Entfernung) in der Baracke/Holzhütte.

Vielleicht schlechtere Qualität als in euren Edelthaischuppen aber trotzdem sehr lecker und dafür zumindest IN DER BARACKE bei den 2 billigen Nudeln-Pouletgerichten ABARTIGE PORTIONEN!!!!.

Seeeehr geil, kani nur empfähle!!! E richtigs Thai-Mammi

(Letscht mol bini mit de Bulle am Tisch gsässe... )

ZeroZero hat geschrieben:Isch das die, wo vorhär im Mekong, im Gundeli bi dr Münchesteinerbruck, kocht het?????

*bitte bitte bitte*

Auso im Mekong händ jo drei Fraue kocht. Jetzt sind zwoi vo dene im To-Rung. Nur weiss ich halt jetzt nid welli du meinsch? Will ich sehr sälte im Mekong bin.

Im Mekong isch nur no d Muetter vomene Kolleg vo mir am koche.

bumbui hat geschrieben:Auso im Mekong händ jo drei Fraue kocht. Jetzt sind zwoi vo dene im To-Rung. Nur weiss ich halt jetzt nid welli du meinsch? Will ich sehr sälte im Mekong bin.

Im Mekong isch nur no d Muetter vomene Kolleg vo mir am koche.

BINGO!!!!

Mir hän immer bschtellt im Mekong - isch immer Sauguet gsi! Letscht mol hets denn nümm so passt, s'het für unsere Gschmagg düttlich abgäh zu früener.. (vilicht isches au eifach draa gläge, dass mr s'falsche becho hän.. aber i.d.R. isch das bim Mekong egal gsi, will eifach alles sauguet gsi isch...).

Ha! So geil!! Glaub das git grad e Thai-Session hütt zobe!!

e ganz e diggs MERCI für die Info!!!

bumbui hat geschrieben:Es het äs neus Thai Restaurant ufgmacht in Binnige:

Restaurant To-Rung
Baslerstrasse 7
4102 Binningen

Kasch dörte au Karaoke singe.

Weisch evtl. d'Telefon-Nummere???

D'Usskunft findet se nonig..

ZeroZero hat geschrieben:Weisch evtl. d'Telefon-Nummere???

D'Usskunft findet se nonig..

Hesch ä PN.


Ich find halt s Mekong z tür.

Die allererschti Köchin vom Mekong isch jetzt im Gundeldinger Feld. Ihres Restaurant heisst Bualuang Thaitreff.

Dörte isch au no ä Thai Take Away s Mük Dam.