FCB-Forum

fma79 hat geschrieben:Geschtr han i mi beschte Dürüm ever ka... Hammerstr./ Ecke Feldberg... geile Take Away, Name fallt mir grad nid ii.... für 7 CHF e richtig fette heavy yufka kebab! Tipp!!!

Ja der ist auch nicht zu verachten

Ich schmeiss mich immer noch weg wegen den Steinengrillfans

Alte fred fürehole - gits updates?

Grad eim im Sam's gholt - isch ganz guet gsi - ha schlächteri ka und au besseri.

Sehr guet in Rinach in dere Dönerbude und bi dr Tramstation Gwärbschuel, sowie Bhf SBB Post Passarelle richtig Peter Merian Gebäude.

Schlächt: Pizza Melsa Riehen (Pizzas naja und au Pide und Co. schwach).

Die beiden Isbilirs an der Feldbergstrasse sind immer noch top!

Bin kürzlich vom 4057 ins St.Johann gezogen. Weiss jemand, wo man hier (auch spätabends) einen anständigen Döner bekommt?

Heaven Underground hat geschrieben: Im dütsche gits die grössere, bessere und mit 3 euro (4,5chF) die billigere Döner.....

Das sin no Zyte gsi

Bartleby hat geschrieben:Bin kürzlich vom 4057 ins St.Johann gezogen. Weiss jemand, wo man hier (auch spätabends) einen anständigen Döner bekommt?

Was isch e "aständige" döner für di?

Für die meischte do in isch glaub d'quantität entscheidend, und das mind. 3 dl cocktail-sauce dazuegit.

Suscht chan ich mir nid erkläre, wie me zum byspiel dä gruusigi fleischkäs-döner bi dr passarelle richtig peter merian cha guet finde.

Eimol mehr:

Grill Corner in Rynach by Ali Yildirim!

Dä spielt nit im gliche Stadion und nit mol in dr gliche Liga. Das isch e ganz andere Sport!!!




PS: Au dr Pipi und dr Fink häns begriffe und gön dört ane.

einspielen hat geschrieben:Eimol mehr:

Grill Corner in Rynach by Ali Yildirim!

Dä spielt nit im gliche Stadion und nit mol in dr gliche Liga. Das isch e ganz andere Sport!!!




PS: Au dr Pipi und dr Fink häns begriffe und gön dört ane.

hmm..muessi mol usprobiere.

Mini Döner-Devise lautet...

wenni Zyt ha denn gangi zum Isbilir ide Fäldbärgstroos.

Falls ich ide City bi denn bini halt in Steinegrill oder Intergrill.

All die andere kleine Familiebetrieb hänn mi nonig so Rächt überzügt...oder hänn mit de Zyt eifach nochegloh.

Isbilir bini no nie enttüscht worde. Grössi stimmt und Gschmagg gfallt mr au.
Für dä Gschmagg fahri sogar extra us em Gundeli ins Glaibasel

PS: s reggt mi uff, dasses im Gundeli kei aständige Kebablade git.
Würd e Isbilir im Gundeli uffmache, wär er bald Millionär aber i verstand türkischi Standortbestimmig nid...

50m vom offiziele Lade wird nomoll e Isbilir uffgmacht das nennt me wohl langsami Expansion

Hajdin hat geschrieben:PS: s reggt mi uff, dasses im Gundeli kei aständige Kebablade git.

wär bruucht no döner sits im gundeli dr kumpir gitt! bi zwar gläb dr einzig kund vo dene, aber die härdöpfl sin absolut fantastisch! "schmuggstügg mümma nöd diskuttiärä"

best pizza in town gitts übrigens im margherita, oobe in dr steine.

Was gar nit goht: Das glychmässige Fleischpaschtezüügs, wo me als Dönerfleischverkauft. Furchtbar. Egal wies schmeggt.

timml hat geschrieben:wär bruucht no döner sits im gundeli dr kumpir gitt! bi zwar gläb dr einzig kund vo dene, aber die härdöpfl sin absolut fantastisch! "schmuggstügg mümma nöd diskuttiärä"

best pizza in town gitts übrigens im margherita, oobe in dr steine.

Nope, ich bi au eine

timml hat geschrieben:wär bruucht no döner sits im gundeli dr kumpir gitt! bi zwar gläb dr einzig kund vo dene, aber die härdöpfl sin absolut fantastisch! "schmuggstügg mümma nöd diskuttiärä"

best pizza in town gitts übrigens im margherita, oobe in dr steine.

Jo mit däm hanni mi verstritte. Bi mol dört e Kebab go ässe und dä het s Fleisch mit de Pinzette ine Kebab gstopft denn hani gsait er söll doch ruhig biz meh Fleisch inemache..und denn hetr gmeint.

Mehr Fleisch mehr bezahlen!!! und het so blöd grinst...

und dasch grat denn gsi wonr de Lade uffgmacht ka het.

Aso so machtr sich am Afang keini Stammkunde.

Mag scho sy dass d Härdöpfel guet sind aber d Kebabs sind villich 2franke wärt. 15cm lang und e Durchmässe vo 4-5cm. KATASTROPHE..

Käppelijoch hat geschrieben:Was gar nit goht: Das glychmässige Fleischpaschtezüügs, wo me als Dönerfleischverkauft. Furchtbar. Egal wies schmeggt.

Ebbe dasch halt Gschmaggsach.

Die wo d Fleischpaschte guet finde, gönn in Isbilir.

und die wo s normale Fleisch bevorzuge sind im Steinegrill

I bi zur Fleischpaschte gwächslet, wills im Steinegrill dazumals eifach zvil rohes Fleisch verkauft worde isch. Zvil Lüt wo astönn und s Fleisch wird deshalb nid gnueg lang gbrötlet. S het mi grausam uffgreggt.

De Vorteil bide Fleischpaschte isch halt scho dass se dünn gschnitte wärde ka.

Mittlerwile het sich de Steinegrill widr besseret und jetzt bini wieder bi beidne

ellesse hat geschrieben:Die beiden Isbilirs an der Feldbergstrasse sind immer noch top!

Gits vo dene 2?

Dä wo ich kenn isch dr einzig Dönerlade, woni no ab und zue ebbis hol, ergo au dr best.

Hajdin hat geschrieben:Ebbe dasch halt Gschmaggsach.

Die wo d Fleischpaschte guet finde, gönn in Isbilir.

und die wo s normale Fleisch bevorzuge sind im Steinegrill

I bi zur Fleischpaschte gwächslet, wills im Steinegrill dazumals eifach zvil rohes Fleisch verkauft worde isch. Zvil Lüt wo astönn und s Fleisch wird deshalb nid gnueg lang gbrötlet. S het mi grausam uffgreggt.

De Vorteil bide Fleischpaschte isch halt scho dass se dünn gschnitte wärde ka.

Mittlerwile het sich de Steinegrill widr besseret und jetzt bini wieder bi beidne

No way Steinegrill isch passé, sit dr eint in mi Döner inegschwitzt het während em "wrappe" hets mir abgstellt. Döner zruggeh und nie me Steinegrill isch d Konseqänz gsi

radiobemba hat geschrieben:Gits vo dene 2?

Dä wo ich kenn isch dr einzig Dönerlade, woni no ab und zue ebbis hol, ergo au dr best.

Yes, dr einti isch Restaurant und dr ander wiiter obe ecke Hammerstrooss isch nur Take-Away.

Bartleby hat geschrieben:Bin kürzlich vom 4057 ins St.Johann gezogen. Weiss jemand, wo man hier (auch spätabends) einen anständigen Döner bekommt?

Gitt's im Santi-Hans überhaupt öbbis anders?

mini favorite....

- isbilir 1
- isbilir 2
- food zone (besti und grösti dönerbox vo basel)
- city liner (isch au wieder besser gworde)

sälle mr. kumpir isch e frechheit bezüglich döner....

do isch min edding stift digger !

dä isch ca. 20 cm lang, aber so digg wie e wienerli !

Ich wurde vor Jahren auch mal von einem Türkischen Kollegen zum Döner Essen in der Feldbergstrasse eingeladen und kann mich heute noch daran erinnern, wie gut der Dürüm dort war. Aber leider finde ich ihn nicht mehr, da ich mich in dieser Gegend nicht sonderlich gut auskenne.
Kann sein dass es der oben erwähnte ist. Kann mich nur noch an gelbe Farbe von aussen erinnern.

Luigi hat geschrieben:Ich wurde vor Jahren auch mal von einem Türkischen Kollegen zum Döner Essen in der Feldbergstrasse eingeladen und kann mich heute noch daran erinnern, wie gut der Dürüm dort war. Aber leider finde ich ihn nicht mehr, da ich mich in dieser Gegend nicht sonderlich gut auskenne.
Kann sein dass es der oben erwähnte ist. Kann mich nur noch an gelbe Farbe von aussen erinnern.

Jepp könnte gut sein

die Fenster haben eine gelbe Umrandung

Luigi hat geschrieben:Ich wurde vor Jahren auch mal von einem Türkischen Kollegen zum Döner Essen in der Feldbergstrasse eingeladen und kann mich heute noch daran erinnern, wie gut der Dürüm dort war. Aber leider finde ich ihn nicht mehr, da ich mich in dieser Gegend nicht sonderlich gut auskenne.
Kann sein dass es der oben erwähnte ist. Kann mich nur noch an gelbe Farbe von aussen erinnern.

das isch de isbilir !!! 100% !!

mini kollege us zürri (richtigi türke,dönerkenner) händ gseit das sig de best vo de schwiiz !!

Do ischs Team alli fründlich

im Summer ischs chli heiss dött dinn. Lieber zum mitneh und denn vor de Mätthäus-Kirche im Pärkli ässe

Unde links uffem Foti sehsch wie de Lade vo usse usseht

Hajdin hat geschrieben:Do ischs Team alli fründlich

im Summer ischs chli heiss dött dinn. Lieber zum mitneh und denn vor de Mätthäus-Kirche im Pärkli ässe

Unde links uffem Foti sehsch wie de Lade vo usse usseht

ich wird s Gfühl nid los das du entweder dert schaffsch oder zahlt wirsch fyyr d Wärbig fyyr dr Isbilir

Aber sin scho mit Abstand am beste do in Basel!

->Ai Verein, ai Liebi<- hat geschrieben:ich wird s Gfühl nid los das du entweder dert schaffsch oder zahlt wirsch fyyr d Wärbig fyyr dr Isbilir

Aber sin scho mit Abstand am beste do in Basel!

hehe nene das foti hani eifach uf Google gfunde um em Luigi de Wäg zur Erlösig z zeige

i ha scho lang kei Döner meh gässe. Bald sind Summerferie und i möcht einigermasse aständig usgseh

Hajdin hat geschrieben:hehe nene das foti hani eifach uf Google gfunde um em Luigi de Wäg zur Erlösig z zeige

i ha scho lang kei Döner meh gässe. Bald sind Summerferie und i möcht einigermasse aständig usgseh

Suffsch aber regelmässig 2 Liter Bier Fryytig und Samschtig haha

Ok auf dem Foto erkenne ich den Laden wieder. Gleich mal im Tel.Buch die Adresse ausfinding machen. Danke für eure Hilfe.

->Ai Verein, ai Liebi<- hat geschrieben:Suffsch aber regelmässig 2 Liter Bier Fryytig und Samschtig haha

nene das au nümm D Zyte im Paddy's sind au umme...

Für mi gits kei suffe meh. Nur no ide Steine hogge und Coke-Zero schlürfe und au kei Guetnacht-Döner

I wott schlank ind Summerferie und fett zruggcho und nid fett ind Ferie und no fetter zrugg

Hajdin hat geschrieben:nene das au nümm D Zyte im Paddy's sind au umme...

Für mi gits kei suffe meh. Nur no ide Steine hogge und Coke-Zero schlürfe und au kei Guetnacht-Döner

I wott schlank ind Summerferie und fett zruggcho und nid fett ind Ferie und no fetter zrugg

mi Läbe wär verbyy

Nie im Leben würde ich in den Steinengrill gehen. Das ist ein Massenabfertigungsbetrieb.

Ich wollte nach der Meisterfeier noch einen Dönerteller essen gehen und lief zum Intergrill, zu dem ich immer essen gehe. Doch leider hat der im Moment wegen familiären Gründen geschlossen. Also wollte ich doch wieder einmal in den Steinengrill. Doch als ich von draussen sah, wie die ihre Kunden bedienten und wie es hinter der Theke bei den einzelnen Zutaten aussah, verging mir die Lust auch nur einen Schritt dort rein zu machen.

Verstehe die Leute nicht, die noch sagen der Steinengrill sei der Beste!