Wyter träume, immer wyter träume...

[cigán]

hehe..ich würd umepose??? wie genau manifestiert sich das? indem ich mini sicht vo de ding darleg?
indem ich verzell was guet und schlächt isch...sorry...het nüt mit gepose ztue...

isch wie wennde frau veeglisch..hesch lieber eini wo jede sich scho mol dra versuecht het, qualitativ
sicher top isch aber eifach e huere (wie milan, barca, bayern etc) oder hesch denn doch lieber die wo
de bitz muesch sueche, villicht mol sehsch unds denn super hesch, aber halt drotzallem au bitz muesch
kämpfe zum wiiterko (sarajevo, lille, monaco, zagreb etc...)???? nid eifach gäll? will eigentlich möchtisch
jo nid neume drüber wo jede scho dinn gsi isch....aber irgendwie würdsch ebbe halt scho au gärn mol luege
wie das denn isch...in däm momänt kunnts druff aa ob de dine prinzipie treu bliibsch oder nid...

git immer sunne und schattesiite.....

[Dr Schorsch]

ach höret doch uff. für e profifuessballer isch d'CL s'gröschte wo's im clubfuessball git. do gohts in erschter linie nit um s'gäld sondern ums eimolige feeling, emol imene camp nou oder old trafford dörfe sich z'bewiese. genauso bin ich als zueschauer gärn bereit, e bitz meh gäld uszgäh, wenn ich emol real madrid o.ä. im joggeli ka gseh als die lausige vaduzer oder thuner.
die wo das andersch gsehn - bitte. denn bliebed doch dehäi und göhnd wieder an d'mätch in dr super league.
aber die grosse clubs nur als reini gäldvermehrigs- und merchandise-maschine abztitle isch doch e völlige saich. lueged euch emol die grosse verein und ihri fans a- do hets no die viel fanatischere sieche drby als bim fcb. scho mol d'tifosi in mailand erläbt? oder fans vo liverpool? scho mol erläbt, was fuessball für e typische barça-fan bedütet? hey, das sind traditionsverein mit ere lange, glorrieche gschicht und fans, wo bedingigslos zu ihre farbe stöhnd...unfassbar, dass do e paar meine, nur grad bim fcb kennt me no treui zem club und d'liebi zem fuessball!

[cigán]

dr schorsch....grad mitem erschte biitrag e breitsiite...

keine behauptet das die verein keini fans hän..aber luegs dr doch mol aa...wo sin die lüüt wo dr kop zu däm gmacht hän wo er hütte isch? die könne nüm
and spiel will sie sich die tickets nümme könne leischte! wo sind brigate und anderi gruppe in mailand? niene mehr! usegeecklet will si näbe emotione au
tempramänt ind stadie brocht hän....und halt au mol für negativi schlagziile sorge. wo sin boixos bi barca? niene mehr will si vertriibe wärde...wieso kani
nid wie friener im camp nou mit em grosse läderhumpe gfüllt mit wii inelaufe? will ich jo denne nüt konsumier wo ind däsche vom verein goht....

logisch gits überall no lüüt wo für dr verein läbe...wo alles gähn..aber drotzdem isches für e mehrheit eifach nur e hobby wo irgendwenn sin reiz verlore het,
die wo aber gar nüt hän..und sich und ihr läbe über ihre fuessball club definiere die könne scho gar nüm ins stadion will si ebbe zwenig gäld hän zum
e ticket kaufe....oder will si drfür e wuche nüt könne frässe....

für e sportler isches immer s gröschte könne gwinne....isch au nüt schlächts drbi...sell au so sii...aber für mi isch genauso wichtig dass mr dene ganze ding
kritisch gegenüber stoht...dass mr nid eifach alles mitmacht und au bitz and zuekunft dänggt...oder wieso meinsch sinke in italie d zueschauerzahle so markant?
will alles tüürer wird, e neui art vo klientel agpsroche wärde sell, genau s gliche isch in ängland scho länger passiert und wird au in dütschland versuecht...

[andreas]

haha..gollum...möchtegern ultras??? wer nennt sich hier ultra?

wo ischs problem wenni uffzeig dasses ebbe au andersch goht....isch e typischs
abbild vo dr gsellschaft...mr regt sich über sache uff und macht se denn aber
trotzdem mit.....naja..jedem das seine....ich griff keine ah wo das toll findet,
umgekehrt muessi mr aber wieder jenes alose..schön tolerant undso....

ich spreche niemanden schuldig...ist doch ganz eindeutig dass jemand der ins
stadion geht auch teil davon ist...schuldzuweisungen brauch ich da nicht einmal
niederzuschreiben..

und sowieso...und das ist jetzt wirklich ehrlich: als kleines kind habe ich davon
geträumt in dr cl zu spielen, ich war jahrelang von diesen spielen fasziniert...
aber: heute ist alles anders....es spielt der 3. spaniens gegen den 4ten aus
italien....jeglicher reiz geht dabei verloren...

übrigens: klar ist es wunsch von vielen zu den siegern zu gehören! man definiert sich
ja über die leistugnen seines vereins...nur schade wird man die restlichen wochen im
jahr dafür belächelt..auch von jenen denen cl jetzt soooo wichtig ist... weischwasimein?

Pro Meistercup mit nur K.O. Rundene!

[Dr Schorsch]

suuber ystiege muess scho si, oder?

es schläggt e käi gaiss ewäg, dass es em italienische fuessball mies goht. das het aber lengscht nit nur mit dr kommerzalisierig z'tue, als vielmehr mit de ganze üble gschichte beträffend spielverfälschige und absproche sowie dr gwalt rund um d'stadie. dört kasch jo als familiebabbe (und ich bi keine ;-)) nümm mit dim sohn an match. dasch doch mischt.
und grad dorum vermiss ich au d'boixos nit wirklig im camp nou. die hän sich nämlig alles andere als korräkt gägenüber em club verhalte, dräggigi gschäftli tätigt, dr club-präsidänt bedroht etc etc
sottige nasene truur ich nit noch - au wenn sie für e fuessball läbe, es git gwüssi grundregle wo inere gsellschaft drzue ghöre. und au im fuessballstadion beachte wärde miehnd.
dass das uf koschte vo dr stimmig im stadion goht, isch wohl e fakt. aber wieso miehn denn die, wo sich zum harte kärn zelle, durch gwalttätigs verhalte brilliere? das bringt em club nüt. und zem schluss de fans sälber au gar nüt - usser dr usschluss, wie in spanie oder england.

fuessball isch unterdesse e globalei unterhaltigsinduschtrie, die gröschte stars sin bi uns so bekannt wie in asie oder südamerika. s'inträsse und s'gäld isch durchus vergliechbar mit hollywood. das isch e so und wird sich nümm ändere. dr fcb isch uf däm niveau natirlig nit drby, wird aber vo dere entwicklig nit verschont. und bis jetzt hett me doch rund um e fcb e ganz guete mittelwäg zwüsche kommerz und tradition gfunde. dass dr verein denn au ab und zue emol bi de grosse mitspiele wott, isch doch nur legitim. und dass nur zue so mätch denn au 38'000 ins joggeli wänn und nit gäge dr fc vaduz isch au klar. so what? s'git schlussändlig stutz für dr verein.

[cigán]

das nunmal de wo wenig het duuredreiht wennde ihm au no das wenige wäg nimmsch isch jo logisch..ich würd au duuredreihe wenni plötzlig nüm and mätch
ka wills eifach über mine finanzielle möglichkeite liigt...was näbebi jetzt scho teilwiis dr fall isch...und au bi uns goht mr ufd barrikade wenn dr club sich in
die falschi richtig entwicklet..ich sag au nid dass alles falsch und schlächt isch wo uns die neui modärni fuessballwält beschehrt...aber mr muess immer druff
achte das sich das ganze nid no wiiter und wiiter vo de wurzle entfärnt! fuessball isch schliesslich immer no dr sport vom eifach maa und nid irgend e freiziit
unterhaltig vo de riiche und grosse..und dass muesses au unbedingt bliibe!

und glaubsch jo nid as die wo cl kömme und sunscht nid us dr arbeiter schicht kömme...sondern die sin denn ebbe vermögendi lüüt wo sich e klaini
abwächslig in ihrem ach so monotone läbe erhoffe...nach 2-3 wuche sin si denn aber wieder wäg.....und trotzdem rede si wie wenn si joore drbi gsi wäre
und jetzt könne bestimme wie dasses muess laufe....d iinahme rächtfertige nid immer jedi tat und jedes abwiiche und vergässe vo prinzipie...

aber und do gib ich dir und andere rächt:
mir häns vergliichswiis guet bi uns...hän e gfeschtigti fanbasis wo im verein no gnueg ärnscht gnoh wird..mir hän aber au s glück nid in dütschland, ängland
oder so zsi....bi uns isches nid möglich eifach ganzi zuschauer- und bevölkerigsschichte usztüschle wies in ängland bassiert isch.....

[radiobemba]

I da do mol dr gaanzi Faade duuregläse.

Dr Cigan het (miner Meinig noch) bi vilem rächt und het au mini Asicht e Stuck wit veränderet, aber trotzdem e paar Pünkt woni andersch seh:

Du schribsch, as de nid an afälligi CL-Spiel würsch go. Wieso nid go und eifach zeige as mr andersch sin als die gäldgeile Säck us Manchsester, Mailand oder Russland?

Und denn halt glich dr sportlich Aspäkt, wo für mi immerno im Vordergrund stön. Kasch mr jo nid sage, ases s geilste gsi an dr Anfield e Punggt z hole und Reds e paar Wuche spöter e Halbzit lang z deklassiere und am se am Schluss no usem Turnier wärfe. Oder e Stund lang so guet z si, as mr d Mancs an Rand vonere Niderlag bringe. Do kasch dr modärni Fuessball no so vertüfle (und - wie scho gseit - au rächt ha drbi), aber uf die Mätch will ich nid verzichte.
Was aber au wichtig isch und do ei Person völlig falsch gschribe het (weiss grad nümm wär), as mr nid jedes Joor in dr CL sin, sonder halt nur alli 5-10 Joor.

[SCAR]

Und denn halt glich dr sportlich Aspäkt, wo für mi immerno im Vordergrund stön. Kasch mr jo nid sage, ases s geilste gsi an dr Anfield e Punggt z hole und Reds e paar Wuche spöter e Halbzit lang z deklassiere und am se am Schluss no usem Turnier wärfe. Oder e Stund lang so guet z si, as mr d Mancs an Rand vonere Niderlag bringe. Do kasch dr modärni Fuessball no so vertüfle (und - wie scho gseit - au rächt ha drbi), aber uf die Mätch will ich nid verzichte.

Das ist genau der Punkt. Für den FCB wirds nie um den CL-Sieg gehen und für mich nicht primär um die Kohle, die sich für den FCB verdienen lässt. Aber als kleiner Fisch einem Grossen ans Bein zu pissen, das ist für mich der Reiz. Und sollten wir kämpfen bis zum umfallen und nur 3 Punkte holen: Scheissegal, wenn wir die 3 z.B gegen die Bayern holen und sie damit aus dem Wettbewerb stürzen könnten...