FCB-Forum

Da fällt mir gerade noch ein: Kaum jemand hat ein so schönes reines echtes (nicht gespieltes) Baseldytsch wie der Singvogel.

TAFKAE hat geschrieben:ob du mit dem bänggler einer meinung bist oder nicht, hat ja nichts mit der qualität der verse zu tun. ich stimme aber rankhof zu, dass es bestimmt nicht der beste jahrgang vom singvogel war. (trotzdem war er auch wieder dieses jahr einer der besten. - zumindest von denen die ichn gesehen/gehört habe).

Ja, ok so gesehen habt ihr schon recht, bängglen kann er wahrscheinlich Ich hab ja auch nur mit einem Ohr zugehört, eben im Fernsehen...
trotzdem... ich fand halt seine Pointen nicht immer lustig, pointiert waren sie aber allemal.

m

Ich weiss nicht, ob der Link schon irgendwo gepostet wurde:

http://www.baz.ch/fasnacht/

Ich fand den Singvogel gar nicht so politisch. Wie viele politische Verse hatte er? Den mit der Zollfreistrasse (wobei ich den auch nicht sehr politisch finde) und sonst? Die restlichen fünf Verse, die mir noch in den Sinn kommen, fand ich nicht so politisch. Da gibt es einige, die politischer sind...

wenn mr scho bym thema sin:

kennt öbber die genaue i/ii/y/yy-regle ?

wie schreibt man zb wieder/schreiben uff baseldytsch ?

nimmt mi scho lang wunder

eine sehr gute Frage, da bin ich mir auch immer unsicher. Ich halte es so:

i: unbetontes, kurzes i, das fast ein bisschen wie ein e tönt, z.B. in Schnitzel, Fischer; aber auch bei Diphtongen, wie z.B. bei glai

ii: ein langes, betontes i, das dem y aber aufgrund seiner Länge sehr ähnlich tönt, etwas weniger nasal. Wird im Mittelland z.T. mit e/ee geschrieben, z.B. Spiil.

y: betontes i, eher kurz, sehr nasales und spitzes i, eben das charakterischtische Basler "I (Y)". Wird im Baselbieterdütsch häufig (aber nicht immer) mit ü geschrieben. Z.B. dytsch, dytlig, Rhy.

yy: langes, betontes i, nasal und spitz. Wird auch im Baselbieterdütsch mit i (oder y) geschrieben: z.B. Wyy, Wyyli

weiss jemand wo man "schorsch vom hafebeggi 2" als audio/video herunterladen kann?

ist für mich einfach der beste!!!

nach Besuch des Schlussobe Comité-Bängg im Theater:

Fazit: Jahrgang 2006 wiederum stark - nur viele gute Bängg sieht man einfach nicht im TeleBasel.

PS. Singvogel wurde für das 10jährige Jubiläum geehrt und einen Ehrenpreis erhielt Megge (Spitzenbank "Standpauke") zu seinem 80. Geburtstag am 11.3.06

weiss öbber öbber wo me d schitzelbänk cha ahloose.. so z.b. uff radio basilisk? ich find das niene... ???

das uff dr baz hani gsee....

Rankhof hat geschrieben:nach Besuch des Schlussobe Comité-Bängg im Theater:

Fazit: Jahrgang 2006 wiederum stark - nur viele gute Bängg sieht man einfach nicht im TeleBasel.

PS. Singvogel wurde für das 10jährige Jubiläum geehrt und einen Ehrenpreis erhielt Megge (Spitzenbank "Standpauke") zu seinem 80. Geburtstag am 11.3.06

weli sind den guet gsi? wül bi ebe au nur in gnuss vo 2-3 live bäng cho. und der rest isch telebasel gsi und dert isch meh als dhälfti würklich truurig gsi...

team17 hat geschrieben:weli sind den guet gsi? wül bi ebe au nur in gnuss vo 2-3 live bäng cho. und der rest isch telebasel gsi und dert isch meh als dhälfti würklich truurig gsi...

immer Gschmaggsach, aber geschter für mi zu de guete hän zellt:

- Singvogel (Värs und Video: http://www.schnitzelbankbasel.ch/neue1/ ... el_06.html)
- Doggter FMH
- Lange Naase
- Gluggersegg
- Hanslimaa (glaub)
- Peperoni
- Pierrot
- Schwobekäfer
- Strossewischer

[quote="Rankhof"]gueti Riim sin zwar scho immer e Kunschtstyck, aber s glaine 1x1 sott me halt scho beherrsche.

3. Bim 4-Zyler macht me noch 2 Zyle e Zwüschepointe
QUOTE]

hmmm gib dr eigentlich rächt nur dä punggt isch mr no chli schleierhaft ... chasch dä chli usfiehre? mues minere mainig drumm nit unbedingt sy....

Läggerlifreak hat geschrieben:

Rankhof hat geschrieben:gueti Riim sin zwar scho immer e Kunschtstyck, aber s glaine 1x1 sott me halt scho beherrsche.

3. Bim 4-Zyler macht me noch 2 Zyle e Zwüschepointe

hmmm gib dr eigentlich rächt nur dä punggt isch mr no chli schleierhaft ... chasch dä chli usfiehre? mues minere mainig drumm nit unbedingt sy....

unbedingt isch natirlig gar nyt - und sowieso nit allewyl - aber me sotts scho mind. i eim Bangg kenne:

I main folgendes mit Zwischepointe:
- e Presentation vomene Sujet inere Art, wo zumene Schmunzle areggt (bi vielne Bängg isch das scho d Schlusspointe), und in de ander zwai Zyle wird uffs zwaite Sujet higschafft, aber das ergitt sich denn wirkli erscht in der Schlusspointe
- oder aber me mokiert sich iber eppis, indäm me e Wortspiel macht, s Sujet mit ungweenlige Wort beschribt, e glaini Absurdität bringt, sich über öppis lächerlig macht

Bispill (Singvogel 2006)

Bim Iiberflug vom Süüde in die gmässigt Zoone
dien mir Veegel Basel-Stadt mit Schiss verschoone.
Me het uns gärn do. &#8211]erste beide Zeilen lispelnd zu lesen![/B]
Am Määntig Lääse (Läääfe), und am Zyschtig (Tfiftig) Uffsatz schryybe (fsrybe)
am Mittwuch moole mer mit Wasserfarb uff d Schyybe (Siiibe)
am Donnschtig hämmer Haimetkunde, und am Frytig
schaff y als Redakter bi der Basler Zytig.

Jä offebaar dien sich die Händy-Lääde lohne.
Die ganzi Innerstadt isch ai mobyyli Zoone.
Do kaas firs Aagebot und d Vyylfalt jo nit schaade,
hets zwischeninn dr aint und ander Glaiderlaade.

Im Basler Zolli maint e Zwärgflusspfärd zem andere:
Hee kumm, mer bräche zämmen uss und göhn go wandere.
Doch scho am Aubärg hächlet s ander und sait blaich:
Loos, ohni Nordic-Walking-Stegg isch das e Saich.

S neie Dramhaltstelle-Hyysli isch kreïert,
s isch gformt und gnormt und ISO-zertifizioniert.
Der Standort duet me von ere Taskforce brieffe loo,
und ganz am Schluss git no der Haimetschutz sy Nai.

Wo die ganzi Kompanie am Oobe spoot
noonem Dusche no zem Spermie-Spände goht,
vertailt me vorsichtshalber jedem e Gamälle
mit warmer Ovi drin zer Sterggig vo de Zälle.

Y sehs eich aa, ihr händ doch dänggt bim letschte Väärs:
Jetz wird er aber langsam alt und lyycht pervärs.
Jä wennd als Bänggler wotsch am Schwyzer Färnseh koo,
muesch dy uffs Niveau vo däm Sänder aabeloh.

Peperoni 2006

der Bischoff Koch staggelet: .."s ..soone Blamaasch,
dasch Sabo... Sabo... Sabotaasch!
Aine wo sait was er dänggt und derbyy mii hinderfroggt,
dä findet au no uuse, wo der Deifel wiirgglig hoggt."


Doggter FMH
D Alternativmedizin, alors - die nützt e Drägg,
Mit däre grieg i nit emoll mi Fuessschweiss ewägg.
Seit doch dr Couchepin - do fang i a flueche:
Mr sette en Alternative zum Couchepin sueche.

Diagnose:
Dr Couchepin vertrag i - jetzt mien dr loose:
Numme in homöopathische Doose.


Kenne Si em Murat Yakin si medizinische Befund?
Er het e Verhärtig am rächte Steissbei-Schlund.
Latinisch seit me däm: finitus marsch -
Uf Dütsch: dr Murat isch am Arsch!

Diagnose:
D Mamme Yakin, s isch e Hohn,
Isch vill glänkiger ass dr Sohn.


S git Stuehl, wo breiig isch, weich und rund,
S git Stuehl, wo hart isch, so Wirschtli wie vome Hund.
Das lehre mir Ärzt an jedere Schuel.
Nur s Baudepartemänt will en Einheits-Stuehl.

also am Dokter FMH siis grässliche geschrei channi nit ahlose, au wenn sini pointe nit schlächt sinn... (zuedäm gfallt mir e schnitzelbank ohni melodie sowieso nit...)