FCB-Forum

blubb hat geschrieben:miend nur usefinde welle

Kei Problem

Rankhof hat geschrieben:Nüd vo däm Rinoceronte wo du am Stadtcasino so schätzisch, ghört eigentlich würklich dört ane. Au so Sache bruchts in dr Stadt, aber sie dörfe nid im Wäg stoh, wenns drumm goht, widdr dr ursprünglichi Zwäck zfavorisiere. Und wie gseit: Au im neue Stadtcasino hett me Hunger und gitts Chäller - die bisherige Betriber müen eifach e bizz innovativ si.

Was ghöhrt denn dinere Meinig noch dört ahne? An e so zentral glägene Blatz wie dr Seibi? Wohl ender e Ort wo au Läbe statt findet, well eins muesch wüsse. Mit em Neubau git das dört e doote Egge. S einzige Mol wo dört Läbe dri kunnt isch wenn die Liebe Kulturinteressierte dr Saal verlöhn oder ane Vorstelli göhn. Im Summer isch denn nüt me mit vorem Kasino dusse sitze. Näb dr Steine eine vo de wenige Plätz vom fliessende Nachtläbe in dr Innestradt wo no gnueg Platz bietet zum grossrümig dusse hogge. Wenn keini Vorstelligie sin lauft dört aber rein gar nüt, und söts e Beiz gäh, so wird das wohrschinlig (wie im Schauspielhuus oder im Theater) e üsserscht gepflegte Lade wod für 8.- kasch 2,5dl Südpuertoricanischs Biobier schlürfe. A sone 'Place to go' (sorry anglizisme) wies jetzt isch wirds Stadtkasino nümme.


Du seisch as sich in de Randgebiet au Alternativi Szene bilde. Super. Was bringt mir s Schiff, wenn di d Taxifahrer vo dört nid mol ind Stadt zrugg fahre sondern numme in die 'rentablere' Ort wie Arlesheim oder Rinach. S Borderline isch au so öbbis. Isch verdammi wit ewäg. Zudäm sin die 'alternative' Szene in de Randgebiet völlig andrscht usglegt. D Beizevielfallt (gueti Lokal) wird igschränkt well dummerwies s NT nid e diräkti Alternative fürs Papa Joes darstellt, da s uf emene total andere Konzäpt basiert.

Wie sch xseit, dängg ich, as dr Bau vom neue Stadtkasine em Nachtläbe und dr Beizevielfalt vo dr Basler Innestadt meh schade wird als s ere nutzt.
Die Junge, wo scho jetzt ihri Öbe mehrheitlig im dr Innestadt (Gross- und Kleibasler Site) wärde nid plötzlig uf Beizetour ind Gelert go, sondern, ender us Gwohnheit in dr Stadt blibe.

Apropos. Im Summer amene Samschtig Nomittag uf em Barfi e kühels Bier trinke und in dr Sunne hogge - do blibt eim denn numme no s Des Arts unds Hugenin, well dr Mutz, d Rio, d Bodega unds Aladin lige uf dr Schattesite. So wie ich d Bauplän interpretier kunnt dr Vorbau (kicher) vom neue Gebäude bis zu de Trämmligleis füre...



Absolut uncool dä Neubau