Quo hat geschrieben:Wieso "war"? Ist die laufende Saison nicht eine der erfolgreichsten, wenn nicht gar die erfolgreichste des FCB? Wer sind denn nebst Pipi die prägenden Persönlichkeiten dieses Jahr? Natürlich gab es in den vergangenen (nicht nur 5!) Jahren viele prägende Persönlichkeiten beim FCB. Viele davon hatten aber keinerlei Beziehung zu Basel, bevor sie vom FCB verpflichtet wurden (Gimenez, Rossi, Cantaluppi, Barberis, Costanzo, Delgado, FF,...). Wieso soll der FCB zukünftig nicht wieder auswärtige Spieler verpflichten können, die in Basel zu prägenden Persönlichkeiten werden? Und wieso soll deshalb nicht ein 7.Meistertitel in Folge möglich sein?
Dammi nomol due doch zerst mol mini Usaag richtig lääse und denne useloh, was de eh scho hesch welle schriebe bevor de mi Bitrag richtig gläse hesch....
Jä, au Nid-Basler könne dä Club und sini Erfolgsgschicht prääge , ich ha au niene gschriebe, dass das nid so sig, im Gegedail, ich ha sogar dr Franco vorhär erwähnt, abr das hesch natyrlig gekonnt wäggloo, sunnsch wär jo dini Pointe nid so guet ufgange. Abr grad in de letschte 5 Joor hän vor allem Basler Persönlichkeite s Team prägt, dr Alex, dr Beni und natyrlig und vor Allem dr Marco. Zämme mit Nid-Basler wie dr Franco, dr Yann, dr Fabian F. und au dr Vale.
Dennoch, jetzt nur agnoh, die beide Fabians vrlön dr Club Ändi Saison.....Was isch denne? Sölle dr Berang odr dr Matias die Truppe afiehre? Womöglich schaffe dies sogar mit Erfolg und au dr 7. Maistertitel in Serie wird Tatsach, wär waiss. Abr es heisst sit gfühlte 100 Joor, dass dr FCB in dr Summerpause e Umrbruch wird ha, abr no nie hanis Gfühl ka, das wird s Team dermasse präge, wie jetzte. Und au wenn (Duume sin fescht druggt) dr Fabian Frei uns erhalte bliibt, hanis Gfühl, dass dr Verluscht vom Marco e riiiiiiiiiiiese Lugge wird hinterloo, wo so schnäll nid ka gfüllt wärde. Wenn YB einige Leischtigsträger ka halte in für die näggst Saison (Steffen, Huaro, Sanogo, Vilotic) und bim FCZ dr Yapi e erfolgriichs Comeback git e Schönbächler bliibt und nomol zu Hochform uflauft und au e Chicken (jä do inne wird oft gwitzlet über dä, abr dä Siech isch definitiv e guete Fuessballer) nomol alles us sich uuseholt, glaubi ärnsthaft, dasses könnt schwierig wärde dä Maistertitel e witers mol z`bestätge.
Aber das isch doch au s'Schöne am Fuessball. Alles uf Null, volle Elan, Vorwärts Marsch in die neu Saison, neui Gschichte, neui Höhepünggt, evtl. neui Tiefpünggt, das isches doch schlussändlig, was dr Fuessball usmacht. Wenn du au scho jetzt drvo überzügt bisch, dass dr FCB dr näggsti Maistertitel wird hole beduuri di scho fasch (abr nur fascht
)
