ayrton_michael_legends hat geschrieben:war ja klar dass du in diesem stil nachtreten würdest, sobald koller dir auch nur den kleinsten anlass dazu geben würde...
ich war von anfang an gegen koller als trainer des fcb, teilweise aus vergleichbaren gründen wie du. aber er hat gute arbeit geleistet, war immer ruhig und professionell. diese äusserungen von der aktuellen pk finde ich auch nicht gut, aber längst nicht so schlimm wie du es darstellst. irgendwie habe ich sogar verständnis für seine sicht der dinge.
der fcb hat innerhalb eines jahres mit balanta, ajeti, okafor, zuffi, bua, zhegrova, rvw und omlin eine ganze reihe an leistungsträgern und damit enorm viel individuelle klasse verloren. nur gerade ajeti wurde ersetzt. und zwar gut ersetzt mit cabral, ruedi sei dank. in anbetracht dessen und der ganzen andauernden unruhe in und um den verein sind die sportlichen leistungen insgesamt in der tat erstaunlich gut gewesen.
unser realitätsfremder schönredner präsi gibt den meistertitel als ziel für nächste saison aus, ohne verstärkungen holen zu wollen.
mal schauen, wohin uns der weg unter diesen voraussetzungen und mit dem neuen übungsleiter führen wird.
sorry, aber do bini nid einere meinig mit dir. mit däm kader muess me mindeschtens dr 2. platz hole. und dr koller hets mehrmols verpasst, wo YB patzt het, d mannschaft so izstelle, dass si denn d spiil gwünnt. d möglichkeite wäre do gsi, aber me het sang und klanglos gege gegner verlore, wome muess schloh, sogar gege söttigi, wo sälber inere negativspirale gsi sin. und das ligt nid am kader, das ligt an dr art, wie me ufträtte isch. dorum findi au guet, was dr sforza agsproche het. power, winnermentalität, freud und zämme schaffe. das alles het dr koller nid anebrocht. wow, är isch denn immer ruhig bliibe, supertoll... ich ka nid verstoh, worum alli do e panik schiebe, well dr präsi aschinend numme alles falsch macht, aber dr koller hochjuble, well är immer ruhig bliibe isch, wenn är eigentlig hätt sötte usraschte und füür in de hose z zeige. mir isch gliich, wemme nid meischter wird, aber nid, wemme eso nid meischter wird. mir isch gliich, wemme gege donezk usegheit, aber nid, wemme eso usegheit. und mir isch au gliich, respektive, ich befürwort sogar, wemme offe sini meinig seit, aber nid erscht denn, wemme weiss, me het kei vertrag me.
dr gröschti fähler vom burgener isch gsi, dr wicky z entloh, dr zweitgröscht, dr koller azstelle und dr drittgröscht, dr koller zbhalte, wo dr streller ihn het welle ersetze.
dr burgener will sicher numme s bescht für dr fcb. und dorum wird är au versueche, sini fähler z korrigiere. mitem sforza probiert me das. ich muess immer wider an afang unterem jäggi dänke, mit em gaudino und em versuech, d bundesliga z kopiere... me wär sogar fascht abgstiige. und denn het är gmerkt, dass si plan nid ufgoht, und hets anderscht versuecht. alli schreie, d fans sige verwöhnt. jo, das stimmt. es isch verwöhnt, wemme, nach 8 meischterschafte in serie, foht afo panik schiebe, well me 2x zweite, und eimol dritte worde isch...
was dr burgener probiert, nämmlig, dass dr verein wirtschaftlig gsund blibt, ohni mäzenetum, au wemme nid regelmässig championsleague spiilt, das isch dr richtig wäg. dass me do neui gschäftsfälder erschliesst, isch numme logisch. und au, dass me meh uf e usbildigsclub setzt. das wirft uns erschtmol e biz zrugg (leider mehr, als erwartet), wird sich aber in zuekunft uszahle. dass e neuling in däm gschäft (dr heusler het sich rächt lang könne ischaffe...) do am afang fähler macht und stolperet, isch numme normal. ich find viiles nid guet, wo dr burgener und dr heri mache, aber das kindische täubele findi au nid grad konstruktiv. wenn jetzt dr versuech mitem sforza und dr umstrukturierig vom nochwugs nid erfolg het, denn kame die füehrig als gscheiteret betrachte. aber nach 3 joor ohni meischtertitel, aber mit de erfolgriichschte internationale resultat, findi doch, dass me no e biz geduld muess ha...
wodra dr burgener aber unbedingt muess schaffe, isch sini kommunikation. eifach finde, d lüt müen das akzeptiere, well ihm dr club jetzt ghört, das findi rächt fatal, und isch wohl am änd au das, wo drzue füehrt, dass alli ihn wäg wänn...
