Aaalso ez kum ich mol mit minere Gschicht, wo zwar scho mehreri Joor Alt isch (irgendwenn im 2001 oder 2002...).
Ich bi dazumals in dr OS im Gottfriedkeller gsi und in dr Parallel Klass dr Eren Derdiyok.
Uf jedefall hen mir uns no vo friehner us dr gmeinsame OB Zitte kennt, aber dr Kontakt ebiz vrlore ka, bis denn unseri beide KLasse zemme ins Skilager gange sind.
Dr Eren isch dört serschte mol vom Snowboard ufd Ski umgstige (me muess no erwähne, dass er sich oft selber überschätzt het und gmeint het er sig eh überall immr dr beschti).
Uf jedefall ischs denn halt so gsi dass mehr odr weniger alli ufe Grosse Berg hen könne go ski/snowboardfahre und er ein vo de wenige gsi isch wo unde im Tal uf de kleine Hügeli (ca 10 Meter höheunterschied) het miesse lehre sGlichgwicht zphalte uf de Ski
Uf jedefall hets denn dr Herr Derdiyok so gege Mittwuch ahvo ahschisse dört unde zsi und isch denn mit uns ufe Grosse Berg uffeko.
Bim Uffefahre mitem Lift hetter denn e sehr cooli und Hochi schanze entdeckt woner denn gfunde het er miessi über die Fahre.
Bögli fahre hetter nonig wirklich könne, also ischer halt ziemlich grad und ohni bremse uf die schanze losgfahre.
Ich has zwar nid gseh ka wiener umkeit isch, aber woni snöchschte mol mitem Lift ufegfahre bi ischer paar Meter untr dr Schanze glege, umgebe vo 2-3 Mitschüeler und het sich nüm wirklcih gross bewegt.
Woni's nöchschte mol mitem Lift uffe bi isch denn scho dr Rettigshelikopter überd Pischte gfloge und hetten mitgno und ins Spital brocht.
Ich mag mi ez zwar nüm ganz erinnere waser schlussendlich ka het, aber er het glaub zimlig glück ka.
Womer vom Lager heime sind, binich und 2-4 anderi ihn no go Bsueche im Spital. Er het abr no paar täg miesse dört blibe und sich erscht spöter nach Basel zrugg ko.
Immerhin hetter die Selbstüberschätzig in dr Zwüschezit ebizeli untr Kontrolle kriegt
Und au mitem Timm Klose hani friehner mol zemmegspilt...Er het mim Brueder mol e Frisbee an Kopf gschosse im Bachgrabe und het druff abe e zimlige ahschiss vo miner Mueter beko
Jo, und zum Schürpf kani nid viel vrzelle, dä isch meischtens recht friedlich (gsi)...
So ez hani au mi senf drzue geh
"Ich werde die Fans nie vergessen, wie diese Fans Fussball leben, wie sie den Fussball im Herzen haben, wie sie mitfiebern, wie sie Basel lieben. Es ist in Basel nicht eine Frage vom Alter, ob man FCB Fan ist, ob es eine 80-jährige Frau ist oder ein 5-jähriger Knirps. Sie haben alle die gleichen Gefühle für den FCB, für ihre Farben. Und das hat mich hier am meisten beeindruckt. Und das werde ich auch vermissen.", Franco Costanzo, Mai 2011
:)
