PeppermintPatty hat geschrieben: ... Im Gegedail - s Agebott isch ächt fair...
Sali Peppermint Patty
I ha immer e gli Mieh mit em Ussdrugg "fairs Agebott". De wird nämligg denn bruucht, wenn dr Priis uss dr Sicht vom Wort-Verwänder stimmt oder andersch gsait dr Priis tief isch.
De Priis nach Kostanaj isch drumm uss Sicht vo de Fans viellicht fair, aber für uns als Reisebüro eigentligg nid. Mir händ meh Uffwand als bi enere 08-15 Reis nach Italie oder Dütschland und verdiene trotzdäm nütt drah. Aber das isch uns für das aine Mol egal, denn mir möchte mindeschtens e paarne Fans d'Mögliggkait biete, nach Kasachstan z'reise.
Wenn denn aber wieder emol e "normali" Reis chunnt und mir dr reelli Priis verlange, heisst's denn wieder vo einige Sitte, dass mir Abzogger sige. Leider tien vieli Fans Wärbig vo Billig-Fluggsellschafte wie Easy Jet & Co. als Gradmässer näh und vergässe derby, dass au bi Easy Jet & Co. nid alli, wo im Flieger sitze, nur 40 oder 50 Stutz zahle und dr Durchschnittspriis pro Sitzplatz in Würkligkait um einiges höcher isch.
I kah Dir und andere mit sicherem Gwüsse sage: Unseri Priise sinn immer fair, im wohre Sinn vom Wort. Mir chönn aber d'Reise (laider) nid verschängge, denn au mir mien läbe und Löhn könne zahle. Und im Vergliich zu andere Abieter, wo nur denn uff e Zug "Fan-Reise" tien uffschpringe, wenn dr Gegner Schalke 04, Liverpool oder Inter heisst und's uffgrund vom Volume öppis z'verdiene gitt, versueche mir au immer öppis azbiete, wenn's halt nach Bosnie, in d'Oscht-Türkei, nach Kasachstan oder ins Taka-Tuka-Land goht, au wenn denn das e Nullrächnig für uns gitt (oder mir mänggmol sogar drufflege mien). Das halt immer mit dr Hoffnig, dass dr FCB witter chunnt und denn irgendwenn im Verlauf vo dr Saison doch no e "lukrativi" Deschtination chunnt.
Schooffseggel hat geschrieben: ... vor allem wenn me dänggt, ass no zwai ibernachtige drin sin ...
Es sinn sogar drey Ibernachtige derby, liebä Schoffseggel
(Und i freu mi uff Di nöggscht Värs. De vo Boro isch nämligg ächt digg gsi.)
händ sich au fraue ahgmäldet?
