Die Goaliefroog goht mir langsam aber sicher uff dr Sagg!!!
Wär hänn mir den momentan in dr Schwiz, wo an Erfahrig und (trotz allem) Könne em Zubi s Wasser länge cha? Soll me öbbe dr Coltorti neh, wo im Momänt au nit uf dr Höchi isch? Oder lieber dr Jakupovic? Minere Meinig noche wird dä momentan am meischte vo allene Schwizer Spiiler überschätzt, und das masslos! (Das isch mi Meinig und ich stand drzue!!!) Wenn denn eine vo dene zwei e (haltbare) Ball durelosst, isch är denn au dr Dubel? Oder isch es denn "nit so schlimm, das cha jo jedem emol passiere!"?
S hätt jo au andersch chönne passiere: Dr Müller spitzlet dr Ball hinter d Goallinie und "provoziert" so e Corner und denn passiert halt us em Corner use e Goal... Wär isch denn tschuld?
Me muess aber au gseh, dass dr Zubi in Basel nit ganz eso viel Goals kassiert wie in dr Nati. Aaaaber: Wie oft trainiert dr FCB mit dr ganze Mannschaft und wie oft trainiert d Nati zämme? Vo irgendneume muess es jo cho, dass bim FCB d Abwehr um e Zubi besser funktioniert als in dr Nati!!!
Löhnd doch gopferdeggel emol dä Zubi in Rueh! Momentan git's kei Bessere Goalie in dr Schwiz und dr FCB isch nit umsunscht d Nummer 1!
Ich habe fertig!
...nei kei ahnig...
