FCB-Forum

dr schal isch

Wenn de no e Fürazünder mitliferisch nimi au eine.....

Tod den "gruusigen" Schals

Also s Shirt wür ich nid chaufe, (nid wills hässlich isch oder so, i ha so züg eifach nie a) aber der Schal findi eigentlich no geil...
100x besser als dr Servette-rot Star was born Schal vo dr FCB Merchandiseabteilig.

finde den Schal äusserst edel und gepflegt.

Im Winter als Basler ein Meistershirt zu produzieren soll arrogant und überheblich sein? Ich dachte immer, es sei schön zu wissen, die besten zu sein...

Heaven Underground hat geschrieben:3.) Zeugt es von mangelnder Intelligenz, bereits in der hälfte der Meisterschaft solche Artikel zu machen.
Gruss aus dem Jenseits

aber aber.......das het weniger mit mangelnder intelligänz als mit regionaler arroganz z'tue!!!!!!!

"es ist schön zu wissen........"

schöner schal. gfallt mer au!

BASEL DESIGN hat geschrieben:Ahhh, ha jo no vergässe, e neue Schal git's doch no aber kei spezifische Maischterschal, sondern e ganz edels Teil, wo d'Tartanhasser do inne wieder uff e Plan rieft
Was saget Ihr zu däm Schal?:

Basler Wappe und dr Teggscht sinn ygstiggt.

Dä isch scho in Produktion und in ungefähr 5 Wuche fertig

Rotblaui Griess
Marco+Pascal

Ha dr ersti Tartanschal speihässlich gfunde (ab Internet-Bild) bis dr Kolleg mer e Original zeigt het, wo är kauft gha het. Voll edel ! I wird luege, dasi sone Dings do ka ergattere.

Gevatter Rhein hat geschrieben:Ha dr ersti Tartanschal speihässlich gfunde (ab Internet-Bild) bis dr Kolleg mer e Original zeigt het, wo är kauft gha het. Voll edel ! I wird luege, dasi sone Dings do ka ergattere.

Kolleg? Wo? Was? Wär?

ScoUtd hat geschrieben:Kolleg? Wo? Was? Wär?

So eine wo ständig zoffe isch weisch...

Gevatter Rhein hat geschrieben:So eine wo ständig zoffe isch weisch...

zoffe?? Hä? Sälber...

BASEL DESIGN hat geschrieben:Aaaaaaaaaalso dr Schal wird Wulle sy, s'glyychi Material wie dr anderi Tartanschal vo uns.

Do ich jo eigentlig nur by schönem Wätter an Match gang und s'Agebot an Wulleschaal scho jetzt sehr gross isch, würd ich Siede vorzieh. Gits nur ei Variante oder beidi? (wär doch e Ueberlegig wärt)

Eckfahne hat geschrieben:Ich find d Rucksite vom Tshirt geil, das mit de Date allerdings isch Problematisch... E Schwizerkarte mit emene Strecke-Design vo Stadt zue Stadt wär e Idee und zuedäm nid mol allzueviel arbet... eifach e Strecke-Linie vo Stadion zu Stadion, denne kasch au uf d Date rauche und SAT1 uf dr Site lo, ehlände Scheisslade....
Cheers

das sind alti sache
das hets au scho in der 90er joor scho gäh


i freuh mi das es ändlich wider Tour Shirts git.

in de Nati-B hetts eigentlich immer e tour shirt gäh


aber es cha jo nit jedem gfalle

LkL hat geschrieben:das sind alti sache
das hets au scho in der 90er joor scho gäh


i freuh mi das es ändlich wider Tour Shirts git.

in de Nati-B hetts eigentlich immer e tour shirt gäh


aber es cha jo nit jedem gfalle

Ola Leutz,

Du seisch es, Tourshirts synn aigentligg e Tradition... S'letscht hetts glaub ich für d' San Marino Kultfahrt remember "der Don von Rimini und wie ykessle richtig gmacht wird" geh.

Das mit em Syydeschal mit em glyyche Tartandesign isch e Überlegig wärd Edberg. Merci für e Tipp

Also mir wärde emol 100 T-Shees mache und denn schaun mer mal.
Ich schätz M und L wird d'Hauptgrössi geh....

LkL hat geschrieben:das sind alti sache
das hets au scho in der 90er joor scho gäh


i freuh mi das es ändlich wider Tour Shirts git.

in de Nati-B hetts eigentlich immer e tour shirt gäh


aber es cha jo nit jedem gfalle

Numme sin dörte nid ständig d Date verschobe worde wills no kai Shit1 Ran Scheiss gä hett, dört sin numme minimal d Spiel vorgschobe worde...

Schal isch ganz geil!

Abr au ich würd side vorzieh...

LkL hat geschrieben:das sind alti sache
das hets au scho in der 90er joor scho gäh


i freuh mi das es ändlich wider Tour Shirts git.

in de Nati-B hetts eigentlich immer e tour shirt gäh


aber es cha jo nit jedem gfalle

Ich ha no ä zimmlig verisses Shirt dehei, vorne de Werner mit zwei Bierfläsche wo sait: "Hau wech die Scheisse", hinte "The last NLB-Tour 93/94".
Und siehe da, es isch uns nid zvill versproche worde....

Schwerverbrecher hat geschrieben:Schal isch ganz geil!

Abr au ich würd side vorzieh...

jä isch dä edli schal nid us siide?

Die 1. site z'läsä würd au nid schade...

Wenn no Argument für Syyde suechsch, denn kha dr scho behilflich sy

- farblich generell besser (brillianter) und kunnt dr Vorlag am nögschte
- grad die viele Linie sind uf Syyde schärfer und gräder
- die fyni rot-blaui Linie würd nid untergoh im schwarz/wysse Muschter
- s'Agebot an Syyde isch generell dünn und Nochfrog dämentsprächend höcher

Ueberzügt???

Ich also scho

[quote="Edberg"]Wenn no Argument für Syyde suechsch, denn kha dr scho behilflich sy

- farblich generell besser (brillianter) und kunnt dr Vorlag am nögschte
- grad die viele Linie sind uf Syyde schärfer und gräder ]


Ich au Looos produziere, Zack zack.. Ufd ruckrundi bruchi e neue Schaal

genau, side isch schlicht und eifach besser

Also guet Ihr hännd uns überzygt
Mir wärde sehr wohrschyynligg au e Syydeschal vo däm Design mache, denn sinn alli zfriede
Ich hoff mir wärde mit däm no fertig uff Afangs Ruggrundi.
S'Shirt isch übrigens schon in Produktion....mir mache emol zerscht 100 bis 150 und denn luege mir wyter wie d'Nochfroog isch.....

In Syyde - Wältklass !!!

Allne nonemool merci fir d' Ruggmäldige.
Es git also e Wulleschal und e Syydeschal mit em Tartanmuschter. Denn hett's fir jede eppis. D'Ufflaag (100 Syyde / 200 Wulle) wird nit so riesig sy, also gly zuegriffe
Vo de T-Shees mache mir emol 100 und denn luege mir wyter.
Spötischtens zum erschte Heimspiel wärde die Sache fertig sy.
Allne wo scho vorbstellt hänn viele Dangg! Sobald die Sache do sinn mälde mir uns wieder.
Wer uns perseenligg beelände will hett am neggschte Samschdyg in dr Joggelihalle am Fanclubturnier Glägehheit drzue.
Mir wärde deerte e Stand ha

E guete Wucheafang no an alli
Marco + Pascal

PS: Vorsicht Arroganz! Jetzt wo mir uns hoffentligg richtig in dr Verteidigung verstärggt hänn, git's no meh Grind zum e Maischter-Shirt zmache, hehehe!

[quote="BASEL DESIGN"]Mir hänn s'Design e bitz gänderet.
Dr Teggscht isch e bitz wyter unte und drfir hänn mir no s'guete alte Basler Wappe anstatt dr Pokal gno ]

s wappe gseht besser us! aber hinge würdi(wie aui scho gseit hei) d date wäggloh!

Hmmm, mir hänn uns lang iberleggt, ob mit Date oder ohni...
Schlussändligg mien mir halt doch sage...e Tour-Shirt ohni Date wäri komisch.
Mir schätze aber emol, dass SAT1 nur bym GC-Match d'Finger im Spiel hett, dorum hänn mir das mit 2 Date mache loh.
No risk no Fun...