also: südafrika isch definitiv e traumland. joburg würd i gar nid goh oder halt als startpunkt für e rundreis. 1 nacht oder keini.
krüger park: dr bekantist und grössti. aber shlushluwe nationalpark, isch grad so guet und binere rundreis perfekt integrierbar. (für krüger verliersch eifach mol e tag zum uffefahre. und halt viel meh touriste als bi dä nid so bekannte pärk. wo au alles bietet)
wildcoast: praktisch gmiede vo touriste aber e traum ecke
städt: längeri ufenthält in kapstadt und durban. sunscht halt: stay where you like it. i machs momentan so: 3 wuche abe, rund 1 wuche kapstadt und den noch luscht und luhne mit em auti losfahre und wenns mr past e guesthouse sueche und solang dert bliebe wie i luscht ha und wieter gohts. denn alles so ihrichte das i uff kapstadt zrug chum und dert no 2 nächt verbringe cha. aber distanze sind halt zum teil scho gewaltig und 120km fahre ohni das eim 1 auto entgege chunt oder das mr e huus gseht isch halt scho wunderschön
----
i däng südostasie währi au no e variante für sone reis (thailand laos kambodscha.) traumlandschafte und für parties au geeignet. bis vor 4 joor hani au nid verstande wieso mr dert ind ferie goht. jetzt weis ichs. für kite und tauche au sehr geeignet.
(ahjo in südafrika sinds fascht nur no am kite und nüm am surfe.)
brasilie: säget die grössere städt für ässe trinke eppe gliech tür wied schwiez (het mr e mitarbeiter gsait. und sini frau isch brasillianerin und är goht jedes joor übere)
aber i däng dini usswahl isch guet, erkundigsch di chli gnauer über d länder (vor allem priese) und den do what you like. und halt uff d jooresziet wo gohsch. südafrika isch im juli nid grad bsunders gmietlich... aber bis april super
und wenn eh scho in krieg ziehsch und e joor verliersch. s militär zahlt imfal no guet für paar wuche meh dienscht
dezue no stürfrei (alias soldzuelag für wieterbildigskürs)
:)
