Wenn me d'Zueschauer im Joggeli drzue zellt, denn stimme 13'200 scho
S'Letzigrund hett e Fassigsvermöge vo 23'605. Yynegloo wärde bi Fuessballmätsch knapp 20'000 (wie scho vorhär richtig vom Balkonhocker gschryybe). Wär ka sich no an 1995 erinnere. Dr FCB hett glaub-y in dr 4.Runde usswärts nach Zirü miesse und hett an däm heisse Juli-Samschdig s'erscht Mool nach em Uffstieg könnte d'Fiehrig in dr NLA übernäh, well die andere am Sunntig gspielt hänn. Über 10'000 Basler simmer damals bi dääre Hitz im Letzi gsi. Die ganz Nordkurve bis zer Tribüne und die halbi Tribüne sälber nur rotblau. Wenn-y mir die tolle Bilder nomool vor Auge fiehre due, sinn öbbe knapp unter 10'000 am Sunntig ins Letzi gange. D'Zirücher hänn doch nur welle digg doo stoo und saage könne, "gsänder ihr Bisler, s'gaht au ohni eu". Dä Schuss isch aber hinde usse wie alles wo dir apagge dient.
..... 
