Fasnacht 2012 «s glemmt»

[Graf vo Leuebärg]

Falsch... D J.B.-Clique Santihans hett no

ok, und die sinn jeedes Joor uff dr Strooss?
Mer hänn glaub au no naime, aber bruucht wäärde sy nimm.
und zuedäm: die Ausnahme bestätigt die Regel.

[Nakata]

isch eifach e blödsinn wo irgendöber emol agfange het

im altbasel kasch es nocheläse

übrigends, die antwort ha ich dangg dr tante google gfunde

Danke füre Link. Ächt witzig wie e Blödsinn sich so verbreite ka

[Mätzli]

isch eifach e blödsinn wo irgendöber emol agfange het

im altbasel kasch es nocheläse

übrigends, die antwort ha ich dangg dr tante google gfunde

Uns het me als Buebe verzellt, im protestantisch puritanische Basel sygi d'Fasnacht immer mit Argusauge verfolgt worde. Zem nid dr Yydrugg entstooh z'loh, me sygi innerlig scho am Fasnacht mache, hänn die puritanische Bebbi das Dail halt umdraiht zem siganlisiere; "Y fraij mi druff, aber jetze isch no (Arbets-) Alltag"..

[Käppelijoch]

Neumodische Quatsch. Vor 15 Joor het das kuum no öpper gmacht! Machi nit mit! Dreih mini Plaggette mit stolz bis und mit Bummel

[Mätzli]

Neumodische Quatsch. Vor 15 Joor het das kuum no öpper gmacht! Machi nit mit! Dreih mini Plaggette mit stolz bis und mit Bummel

Du Seplli. Do goht's um e "Bruuch" , wo in de 50'er und 60-er Johr Moode gsi isch. Macht hitte sowieso niemer meh.

[Käppelijoch]

Git gnueg Deppe, wo no so ummelaufe

[Laufi]

Das isch emol e Fasnächtler !!!

[Shamrock]

Was nur die Silbirg? Also do hätt e Goldigi aanemiesse oder es Bijou

[Laufi]

Was nur die Silbirg? Also do hätt e Goldigi aanemiesse oder es Bijou

Eine vo uns beide mues glaub zum Augearzt...das isch doch e Goldigi, oder nid !?!

P.S nach 200% vergrösserig im Microsoft Paint, kum ich zum Schluss, dass ICH zum Augearzt muess !!!
Sorry Shamrock

[Shamrock]

Eine vo uns beide mues glaub zum Augearzt...das isch doch e Goldigi, oder nid !?!

also ich weiss ich gseh schlächt aber das isch nit die Goldigi, gosch emol zu Döggti, luegsch was är sait

http://www.fasnachts-comite.ch/content-n107-sD.html

[Maischter04]

ok, und die sinn jeedes Joor uff dr Strooss?

Jop

[Laufi]

Guete Morge Fasnächtler, kurzi Froog an Euch:
Het eigentlich suscht no öbber Marschprob bi däre Sch....kälti !? Brrr, mi schisst's ganz gepflegt mol ah, mir ziehn's hüt durre... aber ich find's eifach nur durre!
Zum Glück bin i bim Schlag und nid bi de Blööser

[Shamrock]

Sunntig vor ere Wuche isch au nit wärmer gsi und ich ha einige gseh wo e Marschprob duuregfiehrt händ

[Laufi]

Sunntig vor ere Wuche isch au nit wärmer gsi und ich ha einige gseh wo e Marschprob duuregfiehrt händ

Du meindsch wohl duureg'friiert hän !?
Mann, isch schweinekalt gsi, es sin scho e paar Guggene und Cliquene in de Lange unterwägs gsi, aber alli voll yh'packt
Zum Glück soll's jo an de Fasnacht wärmer sii (i hoff's emol schwer!)!

[Shamrock]

Telebasel goht hütt dr Froog noche, wie me d'Blaggedde richtig trait (und es witeres Theam sind Bayern Fans wo sich uff dr Match do freue)

[Doppelchnopf]

Ich weiss, bi bitz spot, aber weiss öber, wo me no cha waggis-krage für erwachseni poste? Fortura isch usverkauft...:-(

[fixi]

Ich weiss, bi bitz spot, aber weiss öber, wo me no cha waggis-krage für erwachseni poste? Fortura isch usverkauft...:-(

Luegsch emol im Manor.

[Joker59]

dr schorsch vom hafebeggi 2 im 061live vo hytt zobe

[Brausebad]

So, hyt am drey d'Fingge klopfe und gits nur no ains: Fasnacht! Aigendlig bini jetzt scho parat, aber muess mi no degulde! Geschder hani jedefalls s'Goschdym und d'Larve bereit gleggd, d'Vorfreyd stiggd gewaltig vo Daag zu Daag!

[baasel]

Ich weiss, bi bitz spot, aber weiss öber, wo me no cha waggis-krage für erwachseni poste? Fortura isch usverkauft...:-(

dr Dildi in Allschwil het no gnueg!

[Sharky]

Wetter Montag:

Sonne, trocken und 10 Grad

Aber sWätter isch mir eigentlich an dr Fasnacht so lang wie breit, dos in de Beize immer glich warm isch...

[Shamrock]

Wetter Montag:

Sonne, trocken und 10 Grad

Aber sWätter isch mir eigentlich an dr Fasnacht so lang wie breit, dos in de Beize immer glich warm isch...

Oh aber dangge trotzdäm, ich ha nüt dergäge dusse z'sitze uffeme Bänggli und e mitbrochts Bier oder Wyyli z'dringge

[Laufi]

So, ich meld mi ab...es isch Fasnachtszyt ! Ich wünsch Allne aktive und nid aktive Fasnächtler ganz viel Spass an de drey scheenschte Dääg
Lönnt d'Sau usse...und gopfverglemmi, verglemmet Euch nid Have Fun

[Mätzli]

D'Fasnacht isch Dy Lääbe - en Allegorie

Wenn's am Määntig morge frieh vom Martinsturm duet schloh
Vier Schleeg, denn fyylt dr Bebbi sich, as wurd uf d'Wält är koh
D'Geburt isch scheen, die ganz Stadt tobt, und Alli jubiliere,
wenn d'Glyyge ihre Lambbe (und sich sälber) urufffiehre.

Am Määntigscortège isch me denn, als Bueb no duubedänzig
Alles isch ney, und s Goschdym scheen, jungfraihjlig und au glänzig
D'Route liggt im Sunneliecht, alles isch frisch und toll
Die Fasnacht ka no vyyl mehr gää, -me isch au nooni voll-

Am Zyschdig seht me s Beschte Alter, in sym scheenschte Kittel
dr Heehepunngt vom Zyklus noht, me prasst mit Gäld und Titel
Dr Aafang, s Änd, sin glych wyt wägg, doch regischtriersch das nid
De ruessisch und glaubsch jeede Halt, dass es no mängge git.

Dr Mittwuch isch denn d'Räntezyt, wo nimm vyyl Neyjs kasch seh
s Goschdym isch verknitteret und schmeggt no Dezaley
D'Sprich wärde lahm, und Gney dien weh, und langsam sppyrsch au 's Änd
de wehrsch Dy nid, und schiggsch Di dry, s isch s Bescht jo zletschtemänd..

Am Donnschdig znacht, punggt vieri Schlaag, wen d'Martinsglogge schloot
mahnt si: "Dy Fasnachtlääbe goht, Du bisch vo jetzt aa doot"
Und trotzdäm hooffsch uf s Widerkooh, uf e erneyt Yystoh
wenn's fir Di näggschte Zyklus denn, duet wider vieri schloh!


----------------------------------

Mit beschte Griess an alli Aggtive vo n eme Alte Sagg

[Mätzli]

Wenn's am Määntig morge frieh vom Martinsturm duet schloh
Vier Schleeg, denn fyylt dr Bebbi sich, as wurd uf d'Wält är koh
D'Geburt isch scheen, die ganz Stadt tobt, und Alli jubiliere,
wenn d'Glyyge ihri Lambbe (und sich sälber) urufffiehre.

Am Määntigscortège isch me denn, als Bueb no duubedänzig
Alles isch ney, s Goschdym is scheen, jungfraihjlig und au glänzig
D'Route liggt im Sunneliecht, alles isch frisch und toll
Die Fasnacht ka no vyyl mehr gää, -me isch au nooni voll-

Am Zyschdig seht me s Beschte Alter in sym scheenschte Kittel
dr Heehepunggt vom Zyklus noht, me prasst mit Gäld und Titel
Dr Aafang, s Änd. sin glych wyt wägg, doch regischtriersch das nid
De ruessisch und glaubsch jeede Halt, dass es no mängge git.

Dr Mittwuch isch denn d'Räntezyt, wo nimm vyyl Neyjs kasch seh
s Goschdym isch verknitteret und schmeggt no Dezaley
D'Sprich wärde lahm, und Gney dien weh, und langsam spyyrsch au 's Änd
de wehrsch Di nid, und schiggsch Di dry, s isch s Bescht jo zletschtemänd..

Am Donnschdig znacht, punggt vieri Schlaag, wenn d'Martinsglogge schloot
mahnt si: "Dy Fasnachtlääbe goht, Du bisch vo jetzt aa doot"
Und trotzdäm hooffsch uf s Widerkooh, uf e erneyt Yystoh
wenn's fir Di näggschte Zyklus denn, duet wider vieri schloh!

[Goofy]

No mini Variante freii noch Highland Cathedral:

Ich kenn e Stadt wie s kai zwaiti gitt
Kumm ich nimm dii uff e Rundgang mit
An die Stadt am Knei vom Rhy
Du waissch das ka numme Basel sii

Gheersch du nid das Piccolo
Spielt so druurig aber doch au froh
Gheersch es setzt no e Drummle n ii
D Fasnacht kunnt und isch doch glii vrbii

D Fasnacht ischs läbe, sie isch dr Tod
Vergänglich wie alles wo emol vergoht
Am Donnschtig steehn sie zem putze berait
Kuum hett d Frau Fasnacht wieder aadiee gsait

Denn isch die ganz Herrligkait vrbii
E mänge Fasnächtler luegt druurig drii
Doch är sait, schnäll wie die Zyt vergoht
Und planggt uff dr Momänt wos vieri schloot

E scheeni Fasnacht alli zämme

[xherdan17]

No 1 Stund und es got endlich los!

[Idefix]

So, hyt am drey d'Fingge klopfe und gits nur no ains: Fasnacht! Aigendlig bini jetzt scho parat, aber muess mi no degulde! Geschder hani jedefalls s'Goschdym und d'Larve bereit gleggd, d'Vorfreyd stiggd gewaltig vo Daag zu Daag!

Bisch baraaat :-)

[Shamrock]

Haha jetz isch dr Margot aber grad an dr Rächt cho mit em Interview. Pflüggt sich eine uss Schwede use wo syt es paar Johr do an d'Fasnacht chunnt und morn mitdrummlet. Derby isch das jo nüt neus as die uss Schwede aareise, anschynend nur für dr Margot

[l'antimilan]

Haha jetz isch dr Margot aber grad an dr Rächt cho mit em Interview. Pflüggt sich eine uss Schwede use wo syt es paar Johr do an d'Fasnacht chunnt und morn mitdrummlet. Derby isch das jo nüt neus as die uss Schwede aareise, anschynend nur für dr Margot

d'schwede wo in d'ch chömme...gönn doch nur uf zermatt...meint dr herr margot....

gnau gseit...ins mediterannéééé.....