FCB-Forum

"Aufwertung"

hanfueli hat geschrieben:"Aufwertung"

Gentrifizierung!

I such e Wohnig im Raum Basel ab 1.10.2010 1,5-3 Zimmer unmöbliert Wohnig Miete 500-1100.- höchstens. Wo chönnti no luege usser Homegate in dr Baz hets au fast nüt ka. Isch im Baslerstab besser? An beste e Wohnig wo scho renoviert worde isch nit das es denn nacheme halbe Johr heisst sie wird renoviert.
Wenn öpper e guti Idee hätt wäri Dankbar!

Baslerstab isch klar besser als BAZ, aber dött hesch au meischt die us em Homegate dinne oder umgekehrt. Gang mol uf de http://markt.unibas.ch go luege, dött hets au immer wieder Wohnige wo Lütt Noochmieter sueche oder so.

P.S. Ich ha damals in BS fir 2 Zimmer 1000.- gzahlt.
Die Priise göhn halt uffe, je chliiner desto tüürer pro Zimmer sozusage. 3-Zimmer wohnig findsch in BS wohl chum unter 1300-1400 Stutz. Fir dini 1100 chasch höchschtens 2 Zimmer erwarte oder max. en 3 Zimmer Altbau ohni Komfort.

cirrus hat geschrieben: Die Priise göhn halt uffe, je chliiner desto tüürer pro Zimmer sozusage. 3-Zimmer wohnig findsch in BS wohl chum unter 1300-1400 Stutz. Fir dini 1100 chasch höchschtens 2 Zimmer erwarte oder max. en 3 Zimmer Altbau ohni Komfort.

Ich ha e 3 Zimmerwohnig 900.-CHF gseh allerdings in Waldeburg isch einfach zweit zum go schaffe und öbs Umweltabi au bis döt goht weissi au nit.
Am liebste im Gross-oder Kleinbasel goht au Umgebig Rieche, Bettige, Allschwil, Bottmige oder Aesch.

Nidrago hat geschrieben:Ich ha e 3 Zimmerwohnig 900.-CHF gseh allerdings in Waldeburg isch einfach zweit zum go schaffe und öbs Umweltabi au bis döt goht weissi au nit.
Am liebste im Gross-oder Kleinbasel goht au Umgebig Rieche, Bettige, Allschwil, Bottmige oder Aesch.

Wie gseit, in so Gmeinde wie Waldeburg oder so beschunsch schon so Wohnige...aber das isch natürlich nit grad umme Ecke.

Ich nimm ah, dass du kei tüüreri Wohnig chasch leischte, aber worum ziesch nit mol füre afang in e WG? Ich find das sött me eh mol erläbt und mitgmacht ha

Sharky hat geschrieben:Wie gseit, in so Gmeinde wie Waldeburg oder so beschunsch schon so Wohnige...aber das isch natürlich nit grad umme Ecke.

1. isch Waldeburg no im TNW Netz sprich goht mi Umweltabo dört ane?
2. d Verwalterin het öppis gseid vomene Seilbähnli
3. vo Waldeburg mitem Bus nach Liestal denn mitem BLT Bus bis zum Aescheplatz het me do meh als 30min ich rechne öppe 30 bis 40min?
4. lohnt sich das weiter weg wohne vo Basel derfür billigere Wohnraum ha?
5. bi mir ischs jo so mini ganz Familie wohnt in Basel Stadt wäri denn sehr weit wenn ich mini Eltere oder Gschwüsterti bsuche wot.
6. Ausgang, FCB Mätsch usw ich denk do fahrt nit lang am Obe no e Bus döt uffe?

Nidrago hat geschrieben:1. isch Waldeburg no im TNW Netz sprich goht mi Umweltabo dört ane?
2. d Verwalterin het öppis gseid vomene Seilbähnli
3. vo Waldeburg mitem Bus nach Liestal denn mitem BLT Bus bis zum Aescheplatz het me do meh als 30min ich rechne öppe 30 bis 40min?
4. lohnt sich das weiter weg wohne vo Basel derfür billigere Wohnraum ha?
5. bi mir ischs jo so mini ganz Familie wohnt in Basel Stadt wäri denn sehr weit wenn ich mini Eltere oder Gschwüsterti bsuche wot.
6. Ausgang usw ich denk do fahrt nit lang am Obe no e Bus döt uffe?

jo TNW got dört....aber halt ebbe...isch e lange Weg...

wenn scho usserhalb, denn würdi eher richtig Laufe luege...dört gits au billigi Wohnige, vorallem viel Privatvermieter. Hesch e au e direkti Zugverbindig.

@Nidrago: 5 Sekunden Suche, viel Spass bei durchstöbern

http://www.alle-immobilien.ch/cgi-bin/i ... ION=Suchen

Nidrago hat geschrieben:Ich ha e 3 Zimmerwohnig 900.-CHF gseh allerdings in Waldeburg isch einfach zweit zum go schaffe und öbs Umweltabi au bis döt goht weissi au nit.
Am liebste im Gross-oder Kleinbasel goht au Umgebig Rieche, Bettige, Allschwil, Bottmige oder Aesch.

Du hesch öbbe numme's Inserat vo dere Wohnig gseh und nit d'Wohnig sälber oder ligg ich do falsch? Gang emol Richtig Fränkedorf oder Kaiseraugst go luege mit dine Vorstellige, irgenden Bäseschrank mit Etage-WC und Duschi in dr Kuchi wird's scho für Dini Priisvorstellig ummeha. Viellicht no es kulturnoche Autobahnaaschluss-Erläbniss uff dr Terasse

Nidrago hat geschrieben:1. isch Waldeburg no im TNW Netz sprich goht mi Umweltabo dört ane?
2. d Verwalterin het öppis gseid vomene Seilbähnli
3. vo Waldeburg mitem Bus nach Liestal denn mitem BLT Bus bis zum Aescheplatz het me do meh als 30min ich rechne öppe 30 bis 40min?
4. lohnt sich das weiter weg wohne vo Basel derfür billigere Wohnraum ha?
5. bi mir ischs jo so mini ganz Familie wohnt in Basel Stadt wäri denn sehr weit wenn ich mini Eltere oder Gschwüsterti bsuche wot.
6. Ausgang, FCB Mätsch usw ich denk do fahrt nit lang am Obe no e Bus döt uffe?

Also wenn dr e Läbe in dr Stadt gwöhnt bisch, denn wird Waldeburg e Kulturschock si für di. Derfür kunntsch mit dä "Yheimische" guet klar. Dur d Imobilie-Ufwärtig in Basel und nöchere Umgäbig wiche die sozial schwächere halt dört ahne, wos no günschtige Wohnruum git und do isch s Waldeburgertal sehr gfrogt im Moment.

Und wie gseit, Waldeburg isch halt ganz hinde in däm Tal. Isch scho biz ä Wäg, au mitem Auto! I wohn scho länger in Sissach und sogar für mi isch das Waldeburg e Kaff irgendwo abseits der Zivilisation Wenn uf Reigoldswil gosch, kasch im Winter uf d Wasserfalle go schlittle


Wenn i di wär würdi mol in dä folgende Regione Usschau halte:

Birsfälde: Stärnefäld Hochhhüüser, schöni Wohnige, vielfach au scho renoviert, aber kei ahnig wie tüür die sind. Au praktisch, dass für dini Kollege und Fründe no in nützlicher Frischt erreichbar bisch.

Kaiseraugst: Liebrüti: Au Hochhüüser und Blöck, aber schiins sölls no ganz gedige si dört.

Gälterkinde: Schnällzugaschluss und nonig ganz so e tüürs Pflaschter wie Sissach, plus Infrastrucktur vorhande fürs tägliche Läbe. Plus im Usgang hesch am Weekend jedi Stund e Nachtzug wo di heime bringt!

Laufetal: Kenni nit so guet, aber i däng Laufe het au no e schöns Städtli und kuntsch au guet mitem Zug hi.

repplyfire hat geschrieben:Also wenn dr e Läbe in dr Stadt gwöhnt bisch, denn wird Waldeburg e Kulturschock si für di. Derfür kunntsch mit dä "Yheimische" guet klar. Dur d Imobilie-Ufwärtig in Basel und nöchere Umgäbig wiche die sozial schwächere halt dört ahne, wos no günschtige Wohnruum git und do isch s Waldeburgertal sehr gfrogt im Moment.

Und wie gseit, Waldeburg isch halt ganz hinde in däm Tal. Isch scho biz ä Wäg, au mitem Auto! I wohn scho länger in Sissach und sogar für mi isch das Waldeburg e Kaff irgendwo abseits der Zivilisation Wenn uf Reigoldswil gosch, kasch im Winter uf d Wasserfalle go schlittle


Wenn i di wär würdi mol in dä folgende Regione Usschau halte:

Birsfälde: Stärnefäld Hochhhüüser, schöni Wohnige, vielfach au scho renoviert, aber kei ahnig wie tüür die sind. Au praktisch, dass für dini Kollege und Fründe no in nützlicher Frischt erreichbar bisch.

Kaiseraugst: Liebrüti: Au Hochhüüser und Blöck, aber schiins sölls no ganz gedige si dört.

Gälterkinde: Schnällzugaschluss und nonig ganz so e tüürs Pflaschter wie Sissach, plus Infrastrucktur vorhande fürs tägliche Läbe. Plus im Usgang hesch am Weekend jedi Stund e Nachtzug wo di heime bringt!

Laufetal: Kenni nit so guet, aber i däng Laufe het au no e schöns Städtli und kuntsch au guet mitem Zug hi.

Also im Stärnefäld in Birsfälde wohnt e Kollegin vo mir, das sind zum Teil Eigentumswohnige (ämmel das wo sie hett und die rund um sie umme). Denn mag jo Birsfälde vo dr Mieti här zahlbar sy, aber vo de Stüüre nit. Do wurdi ehnder s'noche Aargau empfähle (Liebrüt etc), wenn är in Basel will wohne, chunnt d'Wohnig evtl. au nit so tüür aber denn wieder d'Stüüre, d'Kranggekasse etc isch denn halt scho en Unterschied

Shamrock hat geschrieben:Also im Stärnefäld in Birsfälde wohnt e Kollegin vo mir, das sind zum Teil Eigentumswohnige (ämmel das wo sie hett und die rund um sie umme). Denn mag jo Birsfälde vo dr Mieti här zahlbar sy, aber vo de Stüüre nit. Do wurdi ehnder s'noche Aargau empfähle (Liebrüt etc), wenn är in Basel will wohne, chunnt d'Wohnig evtl. au nit so tüür aber denn wieder d'Stüüre, d'Kranggekasse etc isch denn halt scho en Unterschied

Gueti Amerkig für jede wo uf dr Stüürfues luegt bir Gmeindwahl: Dr Kanton Baselland macht im Budget im BESCHTE FALL e Minus vo 183 Milione CHF. Also jetzt kamme no drzuerächne, dass s Sparpaket sicher nit ohni Abstrich dur e Landroot wird ko. Und s Defizit isch strukturell. Also next Johr nomol etc. Me muess sich also uf Stürerhöchige gfasst mache, ob si offe kömme oder versteggt über d Gmeindstüürfiess und zuesätzlichi Gebüre, wirdsch denn jo gseh.

Fussballheld hat geschrieben:@Nidrago: 5 Sekunden Suche, viel Spass bei durchstöbern

http://www.alle-immobilien.ch/cgi-bin/i ... ION=Suchen

Dangge!