Also ich bi e überzügti Aahängere von Tatonka-Rucksäck.
Ich hane 35l (
http://www.sportxx.ch/g3.cms/s_page/150 ... 7000:26860) und e 60+20 Liter Rucksack (scho fünf Johr alts Modäll, aber immerno im Schuss). Sie sin zwar nid grad billig, aber wie obe bereits öfters erwähnt - es lohnt sich.
Bi de guete Rucksäck chame au Einzelteil nochekaufe (z.B. e Schnalle, falls mol was kaputtgoht) und sie sin (meischtens! unbedingt checke) uss rissfeschtem Stoff, d. h. wenn de es kleins Loch dinne hesch, denn het das keini Folge (und eso Löcher passiere no schäll emol, z.B. Brandloch oder spitzigis Züg im Gepäckfach im Bus oder aggressivs Huehn [das Tier] uff Nochbers Schoss im Bus).
Am wichtigschte isch, dass är dir bequäm sitzt. Unbedingt im Lade probledade (in dr Migros hän sie eso sau schwäri Säck wome cha dri due) und ummelaufe undbi dr Iistellig berote loh.
PS: Je grösser dr Rucksack, desto meh Züg nimmsch mit wo de eigentlich gar nid bruchsch!
