Guter Bericht über Hakan in der Berner Zeitung

[forza_basilea]

hans doch no gläse... huere hart!!! finz fyr ihn voll nit so toll, aber ersch scho selber schuld. usser daser mit de trainer krach het isch nit sini schuld. bi paris, ich wär au go opperiere, lieber den wider xund si statt immer beschwärde z haa!!

[Gollum]

Dr Sammer isch scho immer e dummi arroganti Saumätz gsi. Nichtsdestotrotz isch dr Hakan au e Stück wyt sälber tschuld, dasses eso wyt ko isch. Schlussändlig het är sich vo sine diverse Beroter an dr Naase ummefiehre lo. Züedäm kame nid erwarte, dass dr Quälix odr dr Sammer s ganze Syschtem uf dr Hakan usrichte, denn offebar kanär sini Klass nur eso zur Gältig bringe. Denn mues me gseh, dass dr VfB einigi sehr gueti offensivi Mittelfäldschpieler in sine Reie het, allne vora dr Hleb, wo summa summarum dr kompletteri Spieler isch als dr Haki.

S isch guet, dass das Truurspiel in Stuttgart e (vorläufigs) Ändi het. I hoff für dr Hakan und fürd Schwizer Nati, dass är bi eme andere Club e Chance griegt und die denn au z nutze weiss. I fänds zwor e Dräck, wenner zue YB oder sunscht eme SL-Club wurd go. Bim FCB willi dä uf jede Fall nie me gseh!!! Nid nur wäg sim Theater, woner do abzooge het, sondern au, will är (mir kenne alli dr Gross) im Delgado vor d Schnuure gsetzt wurdi wärde und ihn in sinere vylversprächende Entwicklig wurd störe.