FCB-Forum

Dr Mätzli bereitet e Konter vor...

[quote="Scott"]Dr Mätzli - jöööööööö! - dä armi Maa,
het neyschtens e "Tambeuse" näbedraa,
die haut druff umme, kei Gong blibt ganz,
und dr Scott dä lacht sich drab e Schranz!

Doch muesch nid gränne, liebe Mätzli,
isch sicher e liebs, das glaine Spätzli.
Y dänk an Di, wenn y ruess d Concorde,
und mit de Buebe Bächer drink, im Akkord.

Es isch halt aifach nym wie friehner,
sit sy Fasnacht mache derfe - die Gaggerhiehner.
Doch halt - nämmed das alles nid z perseenlig,
au y ha d Fraue gärn und mag se gweehnlig.

]

Loos Liebe, d'Mäldig isch, persee
wie Alles vo dr BMG
falsch und krumm (s' deent nid ganz richtig)
und, das z'bedoone isch mer wichtig:

Solang ych mit dr Profitrubbe
drummle, sinn mir Fraue schnubbe!
Fir d'Daame isch, main ych piggiert
dr Räscht vom Johr scho reserviert.

Aber, aber, liebe Drummelmarsch,
sparsam mit de Dèèn und nid so barsch,
kli mehr Respäggt vor uns sottsch scho no ha,
schliesslich händ mr einiges gmacht, Du alte Maa! ( sorry)

Dr Fasnachtszyschtig kasch uns verdangge,
wenn vom Baggestoos heim duesch wangge,
d Perkusion het dr Seppi Wintzer perfektioniert,
au wenns hüt nym so mit de Medaille funktioniert!

Mini Torpedierige sind jo numme Spass,
zämme dr Plausch ha - neyme uff dr Gass,
isch s heegschte Gfyhl wo uns eine duet,
drum zieh-n-y - Mätzli - vor Dir dr Huet!

Scott hat geschrieben:Grosses Kino!

Do bruch y e Momänt...

Loss dr Zyt!

Aber das Mool mit Värsmaass, s'il vous plaît

Loos emoll Suffbrueder, y ka au nyt drfiir,
dass d Antwort hett glescht, unsri Forumsschmiir.

Digge hat geschrieben:und pleetzligg het dr zemdil das trotteli,
in sinere frässi e waggis-zoggeli!

das stört ihn nid wytter, er isch e ganz e Harte
drumm kriegt jetzt dä Waggis ganz g'hörig uff d' Schwarte

Scott hat geschrieben:Dr Mätzli bereitet e Konter vor...

i bi scho halb am umefauche
sit 5 wuche bini nimm am rauche
i kenn no eine wos au wott
abr är 'sch e maitli unsre scott...

die tabak-prys-spirale isch chum me z'toppe,
gli isch e'nutte billiger als e zigerette noch e poppe

Zemdil hat geschrieben:das stört ihn nid wytter, er isch e ganz e Harte
drumm kriegt jetzt dä Waggis ganz g'hörig uff d' Schwarte

kai ahnig hesch du diggi gritte
was d'fasnacht duet beditte
me kunnt sich uf em waage amigs vor
wie e mitglied vomene uno-hilfs-corps
mir wänn nur unseri kultur pfläge
und nid für die nöggschte 3 wuche euri määge
blib deheim bi dr schlampe, dinere edle
wenn nur vor hesch an dr fasnacht z'schleegle!

Mätzli hat geschrieben:Loos Liebe, d'Mäldig isch, persee
wie Alles vo dr BMG
falsch und krumm (s' deent nid ganz richtig)
und, das z'bedoone isch mer wichtig:

Solang ych mit dr Profitrubbe
drummle, sinn mir Fraue schnubbe!
Fir d'Daame isch, main ych piggiert
dr Räscht vom Johr scho reserviert.

Aber, aber, liebe Drummelmarsch,
sparsam mit de Dèèn und nid so barsch,
kli mehr Respäggt vor uns sottsch scho no ha,
schliesslich händ mr einiges gmacht, Du alte Maa! ( sorry)

Dr Fasnachtszyschtig kasch uns verdangge,
wenn vom Baggestoos heim duesch wangge,
d Perkusion het dr Seppi Wintzer perfektioniert,
au wenns hüt nym so mit de Medaille funktioniert!

Mini Torpedierige sind jo numme Spass,
zämme dr Plausch ha - neyme uff dr Gass,
isch s heegschte Gfyhl wo uns eine duet,
drum zieh-n-y - Mätzli - vor Dir dr Huet!

Digge hat geschrieben:kai ahnig hesch du diggi gritte
was d'fasnacht duet beditte
me kunnt sich uf em waage amigs vor
wie e mitglied vomene uno-hilfs-corps
mir wänn nur unseri kultur pfläge
und nid für die nöggschte 3 wuche euri määge
blib deheim bi dr schlampe, dinere edle
wenn nur vor hesch an dr fasnacht z'schleegle!

mit euch Wagebrüeder isch scho lang no e Rächnig offe
e zyylti Orange hett emoll just mi halbe Wysse troffe
so truurigi Spieli bruuch ich eigentlich nid an dr Fasnacht
aber ich loss mer's nid verdärbe, es wär jo g'lacht

Zemdil hat geschrieben:mit euch Wagebrüeder isch scho lang no e Rächnig offe
e zyylti Orange hett emoll just mi halbe Wysse troffe
so truurigi Spieli bruuch ich eigentlich nid an dr Fasnacht
aber ich loss mer's nid verdärbe, es wär jo g'lacht

aifach numme schwach zemdil! das kasch besser!

IP-Lotto hat geschrieben:Loos emoll Suffbrueder, y ka au nyt drfiir,
dass d Antwort hett glescht, unsri Forumsschmiir.

Was meint dr angelo, dä bös,
daser eifach löscht di mös',
macht jo nüt, es isch scho rächt
zum trotz für unsri forumsmächt,
dueni jetz mi eiges poste,
tuets mi doch e gar nyt koste,
i hoff nur dases di nitt gruust,
i bi grundsätzlich so verschmust.

Scott hat geschrieben:aifach numme schwach zemdil! das kasch besser!

kä Zytt ...

[quote="Suffbrueder"]Was meint dr angelo, dä bös,
daser eifach löscht di mös',
macht jo nüt, es isch scho rächt
zum trotz für unsri forumsmächt,
dueni jetz mi eiges poste,
tuets mi doch e gar nyt koste,
i hoff nur dases di nitt gruust,
i bi grundsätzlich so verschmust.

]


das värsli find ich gar nit cool
dönt für mi scho fascht bitz schwuul
du weisch jo nit wie uns das gruust
dra z dängge wie dr suffbrueder schmuust...

e frog mech, wo esch er echt blebe,
wott CAICEDO ons jetzt werklech meede?
holt, ech weiss was met ehm esch gschee
dank ongelo esch er possee

Mätzli? Due nid so als miesstsch schaffe

Scott hat geschrieben:Mätzli? Due nid so als miesstsch schaffe

maradoo hat geschrieben:i bi scho halb am umefauche
sit 5 wuche bini nimm am rauche
i kenn no eine wos au wott
abr är 'sch e maitli unsre scott...

maradoo hat geschrieben:das värsli find ich gar nit cool
dönt für mi scho fascht bitz schwuul
du weisch jo nit wie uns das gruust
dra z dängge wie dr suffbrueder schmuust...

Maradoo, jetz loss dr saage,
i ka di gjammer nym ertrage,
du wirsch mi sicher nie gse schmuse,
wenn du hesch kei grosse buuse,
und überhaupt, jä herr im himmel,
hets lotti exklusivrächt
uf mi pimmel.

maradoo hat geschrieben:

y bi e maa, ka mi numme uff ei värsli-kampf konzentriere...drum wart-y-no uff e konter vom mätzli uff mi zwaite bruns!

Scott hat geschrieben:Aber, aber, liebe Drummelmarsch,
sparsam mit de Dèèn und nid so barsch,
kli mehr Respäggt vor uns sottsch scho no ha,
schliesslich händ mr einiges gmacht, Du alte Maa! ( sorry)

Dr Fasnachtszyschtig kasch uns verdangge,
wenn vom Baggestoos heim duesch wangge,
d Perkusion het dr Seppi Wintzer perfektioniert,
au wenns hüt nym so mit de Medaille funktioniert!

Mini Torpedierige sind jo numme Spass,
zämme dr Plausch ha - neyme uff dr Gass,
isch s heegschte Gfyhl wo uns eine duet,
drum zieh-n-y - Mätzli - vor Dir dr Huet!

Soo bees gmaint ischs jo gar nid gsi
e smiley wyyst jo au druff hyy
Nadyrlig isch Dy BMG
e Bombe Huffe, (doch oh weeh)
isch es verdächtig, wenn me muess
bi jedem rächte Drummlergruess
d'Vergangehait vo sich betoone
Nur d'Gägewart duet sich doch lohne!

Klar bin ych halt scho zimmli alt
Dr Seppi doch isch scho lang kalt!

Pärseenlig darf y jubiliere
mi 40. Fasnacht zelebriere.
Und au mi 40. Johr als Fan
vom FC Basel Fuessballclan

(Vor 40 Johr ha-n-y mi erschte Match gseeh, Basel - Lugano 1:1)

Mätzli hat geschrieben:Soo bees gmaint ischs jo gar nid gsi
e smiley wyyst jo au druff hyy
Nadyrlig isch Dy BMG
e Bombe Huffe, (doch oh weeh)
isch es verdächtig, wenn me muess
bi jedem rächte Drummlergruess
d'Vergangehait vo sich betoone
Nur d'Gägewart duet sich doch lohne!

Klar bin ych halt scho zimmli alt
Dr Seppi doch isch scho lang kalt!

Pärseenlig darf y jubiliere
mi 40. Fasnacht zelebriere.
Und au mi 40. Johr als Fan
vom FC Basel Fuessballclan

(Vor 40 Johr ha-n-y mi erschte Match gseeh, Basel - Lugano 1:1)

Me ka s dreihe wie me wott,
doch eins, dass sag y dir bi Gott,
wenn y d Gegwart würd afoh lobe,
denn goht dä Spass do no bis z Obe!

Au y jubilier das Joor ganz gross,
grad 2xmol isch das nid famos!
denn näbscht em 100 Joor BMG - aifach männlig,
mach y sit 20 Joor lang aktiv Fasnacht nämmlig!

Y mach jetzt Schluss y mag jetzt nymme,
y sott mi langsam uff d Fasnacht istimme,
drum gang y jetzt e Bier go trinke,
und due dr Hyt z Obe im Foyer winke!

Scott hat geschrieben:y bi e maa, ka mi numme uff ei värsli-kampf konzentriere...drum wart-y-no uff e konter vom mätzli uff mi zwaite bruns!

scotty het e röggli a, jupeidi und jupeida!!!

maradoo hat geschrieben:scotty het e röggli a, jupeidi und jupeida!!!

tue mol lieber e gscheiti retourne vorbereite als blödsinn verzapfe! :-)

Suffbrueder hat geschrieben:Maradoo, jetz loss dr saage,
i ka di gjammer nym ertrage,
du wirsch mi sicher nie gse schmuse,
wenn du hesch kei grosse buuse,
und überhaupt, jä herr im himmel,
hets lotti exklusivrächt
uf mi pimmel.

Y glaub du hesch zum Zmittagässe
-n e komisch Pilzrisotto gfrässe
y frog my drum, wie glaub e Mängge
wie du drzue kunnsch do dra z dängge
y gheerti zu däre Sorte Frau
wo bruucht e Schowinischtesau

Scott hat geschrieben:Me ka s dreihe wie me wott,
doch eins, dass sag y dir bi Gott,
wenn y d Gegwart würd afoh lobe,
denn goht dä Spass do no bis z Obe!

Au y jubilier das Joor ganz gross,
grad 2xmol isch das nid famos!
denn näbscht em 100 Joor BMG - aifach männlig,
mach y sit 20 Joor lang aktiv Fasnacht nämmlig!

Y mach jetzt Schluss y mag jetzt nymme,
y sott mi langsam uff d Fasnacht istimme,
drum gang y jetzt e Bier go trinke,
und due dr Hyt z Obe im Foyer winke!

Im Foyer wintsch y Dir vyyl Spass
Mach Dy Kehle zimftig nass!
D'SEIBI wird näggscht Johr jubiliere
und Bier um Bier in d'Schwarte schmiere!

PROSCHT!

IP-Lotto hat geschrieben:Y glaub du hesch zum Zmittagässe
-n e komisch Pilzrisotto gfrässe
y frog my drum, wie glaub e Mängge
wie du drzue kunnsch do dra z dängge
y gheerti zu dr Sorte Frau
wo bruucht e Schowinischtesau

Also! 's goht jo! Spitze Replik!

Suffbrueder hat geschrieben:tue mol lieber e gscheiti retourne vorbereite als blödsinn verzapfe! :-)

moooomänt!

Dr maradoo das Röglli
stoht gli widr am Böggli
de Mätzli hingäge
das isch e Säge
isch mi perseenliche Drummelgott
so wien är Drummle - das isch was ych wott.

OK, am Värsmaass ka me no ebitz schaffe (und au an de Pointe )

Mayor hat geschrieben:Dr maradoo das Röglli
stoht gli widr am Böggli
de Mätzli hingäge
das isch e Säge
isch mi perseenliche Drummelgott
so wien är Drummle - das isch was ych wott.

OK, am Värsmaass ka me no ebitz schaffe (und au an de Pointe )

mayor i schwingg jetzt scho mi beil!
sig fründlig sunst gits hüt kei mail!!