usführligi problemanalyse:
1. christian gross + uswärtsschwächi:
dr fcb het syy erfolgsrezäpt immer vo fighting und winnig spirit abhängig gmacht. drheim hett er er mit wucht und pressing dr gegner vrdruggd. uswärts schtimmt syyt em 01 einiges nid. me isch zwar im 02 so dominant worde, dass me den trotzdäm dr titel het könne yfahre, aber gege gc, wo unser schpiil durchschaut het, hetts in 4 schpiil 3x nuff d mütze gä. me hetts nie gschafft uff bureägger, also kleine fälder, wo mre s schpiil nid ka in d breiti zieh, wirklig e kombinationsschpiil ufzbaue.
denn sin schpiiler mit klass an bord ko, die lange bäll syyn uff yys gleggt worde, mr het avo zaubere, was mit de schpiilschtargge lupo, hakan, esposito, ergic, rossi au kei problem gsi isch. näb de motiviationskünscht und dr bissvrmittlig vom gross e optimali mischig, wo zu grossem erfolg gführt het. aber überleget emol, worum mir nid meishcter worde sin: 1:2 gege gc ? ka passiere, goot am muri sy penalty ine, sehts anderscht us. nei, me het in thun und luzärn nid gwunne, im 03 denn by yb und xamax uff d mütze bekoh. schpiil, wo gc dört gwunne het. dr gegner het sich nid vrdrugge lo, schnäll noch vorne konteret und shco isch dümmer gsi. denn het mes uff d cl abgschobe, e billigi usred, s problem vom fcb isch schlicht, dass är bis zum hüttige daag gege e gegner, wo sich nid vrdrugge losst, in kontern ine lauft und uswärts syyni wucht oft nid ka uisläbe. denn offebare sich jewyyls schpiilerischi mängel , das isch im 03 nid anderscht gsi als hütt. im 01/02 het me und in dr hirundi 03 het me 2 grossgwagseni schtroofruumschpiiler gha, dorum het die taktik dört au uswärts meischt klappt, drzue no dr herve.
2.gross allgemein:
sympathisiert mit eme gwüssne schpiilertyp, wo lyydeschaft, biss, engagement, loyalität und aschtand bsitzt. dass die des öfteren schpiilerischi/taktischi defizit hän isch drby sekundär. oft wird schtur anene feschtghalte, au wenn s so offesichtlich isch, dass es ihne nid länggt. dä schpiilertyp het hochkonjunktur bekoh, es sin ebe nid mol geili siech, dr duruz het wenigschtens immer alles gä und isch e geile siech gsi, wo voll drigange sich. schpiile leischtigsträger in unterform, schpiile sie trotzdäm, hän also so z sage e freifaartsschyyn. är nimmt mit syynere ideologie in kauf, dass nid die beschte,s ondenr die wo ihm am meishcte zuesage, schpiile, elei das ishc e entlassigsgrund.
fehleranalyse und sälbschtgeschtändnis prakitsch irrelevant, alles wird schöngredet und nur denn öbbis vrändert, wenn s nümm andersch goot, wies 4-1-4-1 im 05 mit de gauchos im mf. es sin kei vrbessrige in sicht, in de letshct e joor het me immer mit kampf und wille uss dr baisse gfunde, do hetts aber no type und techniker gha. zuedäm ziet syyni hauptwaffe, d motivationskünscht nümm. so isch technisch/taktisch nümm viil drhinter, kombinationsfluss, überraschigsmomänt, ballschtaffette, das het me byym gross scho immer miesse go sueche go.
3.kaderzämmesetzig:
-dr gooli isch ok.
-zanni het nid s level, e fehlbsetzig. naka/majo passt nid.
-es fehlt an type im mf.uns fehlt e dräggssau wie dr lupo oder oder am beschte wie dr effenberg, wo d frässi ufrisst und die andere puscht, eine wo usschtrahlig het und dr gegner beidruggt und va zeiche setzt. das motiviert d mitschpiiler und lööst ebe die 5% biss us, wo de schpiiler fehlt.
-2. schtürmer in därre ssaison inexischtänt.
d hauptproblem sin, dass d delgado gool fähle und kei zweite schtürmer bis jetzt asl niveau het. so hesch kei chance uff e titel. und immer wiide rdie fähler vo de av's, au vom chippy, so kasch kei erfolg ha, zuedäm isch passts inneduo nid. zu viil bauschtelle und schwachpünggt, ändrige sin dringend von nöten, au e kuzma schtoot im mf zur debatte.
dr ergic schpiilt in däre schpiilzyyt kataschtrophal, näbem zanni dr 2. schwachpunggt. me sött sich mol frooge, worum är syyni grundschnälligkeit vrlore het. in eme 4-4-2 hett dr fcb mit däm schpiilermatrial kei chance.
lueged emol wievill schtürmergool abgseh vo syym momentan einzige klassschpiiler erzielt het.
http://www.hattrick.ch/sub_nla_statisti ... m?verein=3 das isch nid nur lausig, sondern bedängglig. bedängglig dorum, will wool bald wiider dr chancetod eduardo an schtart goot. em böggli traui gool zue, dä het aber no nid ygschlage und schyynt nur in ere intakte mannschaft abzgoh. dr kuzma enttüscht mi, är isch trotz viilne asätze bis jetzt kei valable degen nochfolger in sache offensivschpiil.
dr ergic wird dr delgado in sache gool niemols könne ersetze, isch aber nid sy fähler, es zeigt nur d sälbschtüberschätzig und schönrederei vo de schportlig vrantwortlige, wär das au immer si mag.
wär also söll gool erziele ? mir hän nur no 1, wo regelmässig trifft, in de letschte saisons hömmer immer mind. 2 gha, wo uff sicher 23, 24 gool ko sin und jewyyls e schpiilmacher, wo zweischtellig troffe het. schlächti transferpolitik, usser dr böggli kunnt no.
4. schportchef/oeri:
d oeri isch völlig unprofessionell, aber das sin viili anderi au. s problem isch au do dr trainer, är will kei schportchef, sondenr lieber e handlanger wie dr zbinden näbe sich , wo ihm nid widerschpricht und brav syyni vorgoobe usfiert. dorum seen i au i däm bereich s problem in dr personalie gross, dr fcb isch kei wohlfühloase, do muess professionell leischtig brocht wärde, au wenn gwüssi schpiiler drvo ufmüpfig sin und schwiirig zum fiere als dr schpiilertyp burgmeier, stereo und co, wo immer wie mehr an land zooge wird.
?