Rinoceronte hat geschrieben:Gueti Pizzas kriegsch im Colosseo an dr Heuwoog.
D Räblaube in Allschwil isch au immer e gueti Adrässe
Oder s Arte in Rieche
WORD!
Vorallem Al Colosseo, wobi d' Kollegin s' letscht mol e hässligi Carpaccio kriegt het. Sunscht aber immer alles beschtens. Bi friehner oft dört gsi, jede Monet 1-2 mol.
Rest. Ziegelhof, bi dr 31er Haltstell Tinguely-Museum. Ächt spitze Pizzas, gmietligs Restaurant und sehr fründligs Personal. Dört iss ich öbbe 2-3 mol in dr Wuche.
In Lörrach git's sunscht no e gueti Pizzeria, weiss grad dr Name nüm. Bi ca. 1-2 mol im Monet dört, git normali und riese-Pizzas (die koschte denn ca. 7 Euro
).
Centro am Barfi isch natyrlig au immer guet. Bini au fascht jedi Wuche mol übere Mittag.
Denn git's natyrlig no dr Cedro am Dorebach. Sehr koschtegünschtig, sehr guet, sehr fründlige Chef.
Piccobello isch wirklig piccobello! Usser eimol, wo dr Pizzaiolo frischtlos kündet het, während ich uf mini Pizza gwartet ha. Simmer friehner jede Monet mol gsi, jetz bini sit 2 Johr nüm gsi. Aber Hammer-Usblick uf e Rhy, guete Wyy, gschmackvoll igrichtet usw.
Resslyritti passt mir nüm so. Ganz friehner isch sie guet gsi. Jetzt gangi aber au nüm regelmässig. Isch diräggt am Wettstaiblatz.
Au ganz in dr Nöchi vom Wettsteiblatz git's natyrlig no s' Roma. Cha meh au sehr guet ässe. Simmer friehner au oft mit dr Familie gsi. Ha denn aber vor ca. 5 Johr mol e Negativ-Erläbnis gha (e Källner wo richtig ABARTIG gstunke het, nach altem schweiss). Sit denn hani immer bitz e komischs Gfühl, wenni dört ane gang. Aber das isch wirklig 1 einzigs mol gsi und sunscht isch immer alles top!
S' Al Pomodoro in dr Staine isch au sehr z' empfähle. Eifach e bitz tüür. Aber ich find's extrem guet und au s' Lokal sälber sehr gmietlig.
Alfredo 1907 isch au e sehr guete Italiäner, aber macht keini Pizza. Grad bi dr Tramhaltstell Zoo Dorebach (8er und 1er).
)
isch irgend öbbis mitm githütli?? 
