Lieber Rotolosorotoloso hat geschrieben:Ich red vo Erprässig, in Fäll wo sie d'Klag zruggzoge hänn nach dr Zahlig vo syttens vo de Bauherre vo Mio. Beträg.
Das zeigt e klars Vorgehe, Grossprojäkt Blockiere unterem Umwältschutzvorwand ---> Offizielli Vorderige stelle wo e Bau absolut verunmögliche würde ---> Bereitschaft zeige dr Iispruch zrugg z'zieh falls Beträg in gwüssi hochene usszahlt wärde (natürlich nid offiziell aber scho mehrmols uffdeckt)
Das isch Erpressig und het mit Umwältschutz rein gar nütt z'tue!
Es git e Bricht vo dr KPMG Fides, wo die Vorwürf eidüttig und klar entkräftet. So'ne Vorgoh würde d'Statute vom VCS gar nid zueloh. E Sektion könnt e Innahm in dere Grösseordnig niemols am Zentralsekretariat verbikriege, ohni dass dört eine reagiert. Au die Information isch Propaganda vo dene Kreis, wo meine, dass si mit dr Abschaffig vo dr Verbandsbeschwärde könne dr Umwältschutz abschaffe.
Goht ins gliiche Kapitel wie jetzt die Gschicht mit Thun und au dr FDP-Zettel im Baselbiet (VCS Einsprache trotz einstimmiger Zustimmung des Einwohnerrats) (dr Iwohnerrot Prattele het mit 3 zu 1 drfür gstimmt). Isch zimlich schwach, wenn e Partei wie d'FDP ihri Argumänt muess uf Lüege ufbaue, aber das kenne mir jo scho vo dr SVP! Jä nu!
