Rey hat geschrieben:die "entschuldigung" von wegen lieder nicht kennen zieht hier einfach nicht. da gäbe es x-möglichkeiten sich rein instinktiv an der sache zu beteiligen, da braucht man kine lieder zu kennen um in ABC für etwas mehr stimmung zu sorgen.
das problem ist wohl eher genau so wie hanfueli seine C2 erfahrungen geschildert hat, dass man schief angeschaut wird, wenn man sich ein wenig beteiligen will - oder gar noch mit "abhocke , ich seh nüt" berufen wird. stattdessen hocken sie da, fressen ihre würste und jammern über schlechte FCB-leistungen und eine immer ruhigere kurve, wo die fans "nichtmal die lieder kennen"......
was das mit "schlechte MK - da die lieder nicht gekannt werden" betrifft: hätten die übrigen sektoren auch nur eine prozentuale beteiligung von 50% gegenüber der MK von heute, so würde im joggeli eine stimmung herrschen, wie man sie in basel noch nie gesehen hat.... denke mal, in der MK sind die fehler nicht zu suchen.
...und eso fangts a (oder heertz uf in dämfall...)
wemme nid bi sich sälber afangt mit dr fählersuechi, denn wirds nie besser...
...und wiso d'MK immer vo allne andere erwartet, dass si stimmig mache verstandi au nid... dr grossteil isch halt am spiil interessiert, und viil zfescht am mitfiebere, so dass eim s'lied bi jedere aktion im hals stecke bliibt...
...in dr kurve hingege gohts jo drum e teil vo dr mannschaft zsii, sozusage dr 12ti maa... und dorum singt schreit tantzt und gumpt me... oft sogar ohni sooooviiil vom spiil mitzkriege (capo seht jo sicher dhelfti nid...). und für dmannschaft alles zgäh ischs ziil...
...und wär behauptet, d'MK siig nid liisliger worde in de letschte joohr, dä het eidütig e latänte realitätsverluscht...
usserdäm hets au öbbis mitem alter ztue... ich bi jetzt 27ig und sitz im D1 Balkon... und ich ka und mag und will nümme 90 (oder au numme 45) minute schreie. vor 3-4 joohr hani aber no wiene verruckte gschraue, sodass i nacheme match 2daag nümmm ha könne rede... und ich glaub do gitz no viili so wie mi, wo friehner (ich zb. im alte joggeli no...) in dr MK alles gäh hän und jetzt halt vorallem an dmatch göhn zum Fuessball luege, drüber zdiskutiere, kollege träffe, bier suffe, e paar joints zheize und amigs e chli dörfe primitiv zsii... chille halt...
...ich sag nid, dass es nid schad isch, wieviil s'amigs bruucht, bis ganze stadion dr FCB apeitscht..., aber me sött nid dverantwortig vo sich sälber wägschiebe, sondern bi sich sälber afange mit reflektiere. au dMK... denn, und das isch mini meinig, d'MK isch immerno s'Härz vom FCB und vorallem vom Joggeli... und muess es au immer bliibe (IMHO mit pyro... i love it...)
ich glaub (zum zumene schlusswort zkoh...), wenn d MK wider richti luut isch und stimmig macht (zum bispiil halt, trotz miehsahm wäge amälde undso, mol wider e choreo...) denn steckt das au alli andere wider a...
...no zum baslerlied: melodie wäg, text wäg, MK lo ahstimme... ...wenns gewaltig tönt (und das wurdis mitohni muusig und volle kehle...), denn wird au sganze stadion iistimme... ..aber die fanfare sin soooo lut... (und originaltext wäri IMHO besser...) oder meh singt halt dgarde als hymne (die mitem jaques wo uf basel koh isch...)
so, habe fertig...
do isch übrigens soriginal (Das Baslerlied ist die Hymne der Schweizer Stadt Basel. Die Melodie stammt von Franz Wilhelm Abt (1819-1885) und der Text wurde in Basler Mundart (Alemannisch) von Johann Peter Hebel (1760-1826) verfasst.)
Baslerlied
1. Z'Basel an mym Rhy,
Jo, dert mecht i sy!
Weiht nit d'Luft so mild und lau
Und der Himmel isch so blau
|:An mym liebe, an mym liebe Rhy.:|
2. Uff der Basler Pfalz
Alle Lyte gefallt's.
O, wie wechsle Berg und Tal,
Land und Wasser iberal
|: Vor der Basler, vor der Basler Pfalz! :|
3. Wien e freie Spatz
uff em Petersplatz
flieg i um, und s wird mer wohl
wie im Buebe-Kamisol,
|: uff em Peter, uff em Petersplatz. :|
4. Uff der breite Bruck
Fir si hi und z'ruck
Nai, was seht me Herre stoh,
Nai, was seht me Jumpfere goh,
|: Uff der Basler, uff der Basler Bruck! :|
5. Uff der griene Schantz
In der Sunne Glanz,
Won i Sinn und Auge ha,
Lacht's mi nit so lieblig a,
|: Bis go Santi-, bis go Santi-Hans. :|
6. 's Seilers Redli springt;
Los, der Vogel singt,
Summervegeli jung und froh
Zieh'n de blaue Blume no,
|: Alles singt und, alles singt und springt. :|
7. Und e bravi Frau
wohnt der ussen au.
Gäb ech Gott e frohe Muet,
nähm ech Gott in treui Huet
|: liebi Basler, liebi Basler Frau. :|
