abräumer hat geschrieben:ich persönlich bi, obwohl i öbbis gege pyro in dr masse ha, nid gege das buech, mir passt eifach die schönrederei vo ihm nid.
eifach noch em motto: isch doch sone schöns buech, luege mr doch über d pyro hinwägg, die glichi schönrednerischi argumentation wie bi de herre lämmli/benoit/truthahn, das wo uns nid passt, dömmer am beschte nid erwähne, isch doch sunscht alles so wunderbar.
vrtritt dr fcb zu däm thema kosequänt si haltig, ka är teil vo däm buech nid guetheisse. "das buech isch nid vom fcbasel usebrocht worde, offebar isch pyro e wichtige beschtandteil vo dr fankultur" isch jo scho ok. aber das mit eme schöne buech als beschwichtigung ka är sich schpare, heisst jo nüüt anders, als dass är drüber hinwägseht. denn söll er zum inhalt am beschte kei schtellig näh.
schönrederei?
das buech isch allerbeschti wärbig für e fcb, hesch schomol kritik imene wärbespot gseh?
(was dä bricht jo au e bitzeli isch - wärbig für e fcb)
mir alli kenne doch eh die offizielli haltig vom fcb bezüglich pyro!
das mag in dine auge gfährlich syy, trotzdäm sehts doch schön uss odr nit?
zum glügg isch dr fcb so "inkonsequänt", vor e paar johre
wär das kei thema gsi, do hed pyro offiziell drzueghört!
also wieso jetzt wägeme bilderband e riise drama mache und öl in füür giesse?
uss prinizip öppis verurteile duet doch niemerem diene, grad jetzt wo s verhältnis
verein-kurve wider so guet worde isch!
dr fcb söll gfälligscht stolz syy uff unseri kurve, au wenn er nit mit allem yyverstande isch
gilt umgekehrt au...
sit 05/13 isch im joggeli nüm zündet worde, das zeigt doch, das beidi sytte
e bitz konzessione mien mache...in jedere gsunde beziehig ischs eso..
btw: bumbui, sehr gueti argumänt für s legalisiere, leider wird halt repression und dämonisierig betriibe, was e diskussion verunmöglicht..
