Ayyy du scheeeeeeene....

[Schooffseggel]

me chönnt fasch meine du heigsches erfunge
das ar fasnacht wärde värsli gsunge.
liegsch emänt ganz schön dernäbe,
a jedere fasnacht si das tüe läbe.

me gseet, du gisch so schnäll nit uff
doch macht mi daas au gar nit muff
lieber ZÄÄ MOOL bäärndytsch heere
als AIN wo ziiridytsch duet schneere!

[robotnik]

Wenn am Mäntig s`Martinsglöggli viermool lydet
Isch`s d`Frau Fasnacht, wo drey Daag uf mir rydet
Weiss nümm, wo dr Chopf mir schdooht
Bi nur no ein vo ville, wo uf`d Drummle schloht

[AVATAR]

me gseet, du gisch so schnäll nit uff
doch macht mi daas au gar nit muff
lieber ZÄÄ MOOL bäärndytsch heere
als AIN wo ziiridytsch duet schneere!

do hesch du jetzt wider rächt,
bi ziiridütsch wirds ou mir no schlächt.




i würd fasch wette das ou du,
es värsli vo mir hesch gah im mu.

[Mätzli]

@Schoofseggel & adsge & alli

Y dangg Eych scheen fir's applaudiere
es duet mi fascht e bitz geniere
( De waisch syt de am poppe bisch,
as dailti Fraid halt dopplet isch)
drum ha-n-y dänggt es wurd Eych fraije
bim blange uf e Ziibelwaje
e bitzli ebbis z'ha fir's Gmiet
wo zue-me Hienerhyttli fiehrt.

[Scott]

( De waisch syt de am poppe bisch,
as dailti Fraid halt dopplet isch)

dä isch jetzt scheen!

[Mätzli]

Wenn am Mäntig s`Martinsglöggli viermool lydet
Isch`s d`Frau Fasnacht, wo drey Daag uf mir rydet
Weiss nümm, wo dr Chopf mir schdooht
Bi nur no ein vo ville, wo uf`d Drummle schloht

Wett's Martinsgleggli nid so lyyde
miesst's e baar Dääg dr Schwängel myyde...

[Gryff]

Wett's Martinsgleggli nid so lyyde
miesst'e baar Dääg dr Schwängel myyde...

[robotnik]

[quote="AVATAR"]do hesch du jetzt wider rächt,
bi ziiridütsch wirds ou mir no schlächt.




i würd fasch wette das ou du,
es värsli vo mir hesch gah im mu. ]

Duesch denn no im Hardturm zünde
Chönne mir is grad verbünde
Du hebsch se an de Ohre
Denn hän si scho verloore
Lueg umme, pass eifach uf
Dr Landolt wird jeds muff
Macht e Delifon an d`Schuggerei
Die fahre i, s`git e rise Gschrei
In däm ganze Rauch und Durenander
Beobachdet di e Zürcher Fahnder
Und wenn de scho gar nümm dra dänke duesch
Chund Boschd, e Buess, wode zahle muesch

[robotnik]

Wett's Martinsgleggli nid so lyyde
miesst's e baar Dääg dr Schwängel myyde...

Ruet dä Schwängel in derä Schdund
Bliibd im Rampass si Rugge Gsund

[Mätzli]

Duesch denn no im Hardturm zünde
Chönne mir is grad verbünde
Du hebsch se an de Ohre
Denn hän si scho verloore
Lueg umme, pass eifach uf
Dr Landolt wird jeds muff
Macht e Delifon an d`Schuggerei
Die fahre i, s`git e rise Gschrei
In däm ganze Rauch und Durenander
Beobachdet di e Zürcher Fahnder
Und wenn de scho gar nümm dra dänke duesch
Chund Boschd, e Buess, wode zahle muesch

E bitzli Rauch, e bitzli fäggle
Scho kunnt Dy d'Zircher Schmier ko päggle
Ganz hyffig kunnsch au drum in Not
griegsch d'Schnuure voll mit Gummischrot!
E Kabelbinder uf e Rugge
und d'Zigis in e Umhangugge

Denn wirsch vo dääne Faschos gschlaage
(kasch dy jo niene go beklaage)
druf aabe schrybt dr Blöök no denn
de sygsch e beese Huuligänn!

Kai Wunder, dass die ganz Schwiz singt
dass Zirü mehr als Gülle stinggt!

[salegh]

dangge grande mätzli - jetzt kann i no weniger warte als au scho...

[Schooffseggel]

Kai Wunder, dass die ganz Schwiz singt
dass Zirü mehr als Gülle stinggt!

ziiri stinggt! - in dääre mainig
sin gülle, basel, bärn sich ainig

[Mätzli]

Ruet dä Schwängel in derä Schdund
Bliibd im Rampass si Rugge Gsund

Wir dr Schwängel nimmi hart
Im Martinsgleggli hell und zart
Macht 's Lytte als e Luschtgewinn
laider als wie meh kai Sinn

[robotnik]

Wir dr Schwängel nimmi hart
Im Martinsgleggli hell und zart
Macht 's Lytte als e Luschtgewinn
laider als wie meh kai Sinn

Nach all dene Johre
Wo das glütt, dringt in unsre Ohre
Isch dä Schwängel wund
blybd für eimoll schdill in derä Schdund

[robotnik]

Dr Lupo het`s gschaft mit eim Dritt
Dass es unsri Fründschaft nümme git
Wot jeds e Lozärner si
Und keine meh vom Ry
Do chasch denn säge: es war einmal
Schdolz uf e Maa vo Dsüri in unsrem Schal

[Seemann]

Dr Lupo het`s gschaft mit eim Dritt
Dass es unsri Fründschaft nümme git
Wot jeds e Lozärner si
Und keine meh vom Ry
Do chasch denn säge: es war einmal
Schdolz uf e Maa vo Dsüri in unsrem Schal

für mich stellt sich die frage hier
was kann denn bloss das holz dafür?

[baslerstab]

für mich stellt sich die frage hier
was kann denn bloss das holz dafür?

genau das, was ich schon lang vermut
das es sich um sein köpfchen handeln tut

(was dr ybrigens au no saage wott
was me im glashuus nit mache sott)

[robotnik]

genau das, was ich schon lang vermut
das es sich um sein köpfchen handeln tut

(was dr ybrigens au no saage wott
was me im glashuus nit mache sott)

Dann wird was lange in dir gären tut
in diesen Tagen endlich wahr und gut

[robotnik]

Hesch schtat Weichteil Holz
Dasch kei Froog vo verlezdem Schdolz
Besser, s` isch kei Schdroh
Will brenne duet das lichterloh

[Schooffseggel]

scho wieder rutscht dä thread noch hinde
duet bald uff syte zwai verschwinde
derby stoot d fasnacht voor dr diire
drum hool en ich do wieder fiire

witter goot's, ihr fasnachtsgselle
s git sicher no ganz viil z verzelle
dichte haisst s, vo frie bis spoot
bis's denn am määntig vieri schloot

[AVATAR]

mir isches vergange do das dichte,
bi bedrängt worde vo so wichte!

[Mayor]

mir isches vergange do das dichte,
bi bedrängt worde vo so wichte!

s Problem isch, Du willsch es nidd gseh
ganz klar und dütlich persee,
ab Dinere Bärner Schnuure
keie halt e paar duure

[Mätzli]

So, die Vorberaitig lauft
Ha 6 Räägepellerine kauft
Denn isch dr Mark Spitz zue mir koh
bi däm han-y Schwimmstunde gnoh
Y ha au no an Vordraab dänggt
und dääne Gummibeetli gschänggt
Mit Flosse, Schnorchel, Taucherbrille
Hogg ych ab Mäntig in dr Knille
Wenn jetze dänggsch: " dä spinnt, dä Maa"
denn luegsch dr folgend lingg mool aa:

http://www.wetteronline.de

[AVATAR]

s Problem isch, Du willsch es nidd gseh
ganz klar und dütlich persee,
ab Dinere Bärner Schnuure
keie halt e paar duure

mü mit öiem dialäkt ha ig doch ou,
führe mi wäge däm nid uf wine frou.
nimsches wine richtige ma,
e jede es de läse cha.

[maradoo]

wenns duet schneie odr schiffe
duesch schnäller mol zem schnäppsli griffe!

[Barty]

So, die Vorberaitig lauft
Ha 6 Räägepellerine kauft
Denn isch dr Mark Spitz zue mir koh
bi däm han-y Schwimmstunde gnoh
Y ha au no an Vordraab dänggt
und dääne Gummibeetli gschänggt
Mit Flosse, Schnorchel, Taucherbrille
Hogg ych ab Mäntig in dr Knille
Wenn jetze dänggsch: " dä spinnt, dä Maa"
denn luegsch dr folgend lingg mool aa:

http://www.wetteronline.de

mätzli, verglemmi, du bisch e weiche,
au wennd immer dr nagel uf e chopf duesch breiche,
aber würdsch du unter d'lyriker goh,
hätsch scho lang e lukrative vertrag becho...

[baslerstab]

Dann wird was lange in dir gären tut
in diesen Tagen endlich wahr und gut

uff dr suechi noch em sinn vom ganze
schyynsch uff em wäg uss gmeintem z'tanze

wär hätt dänggt ass bim dichte
zwei pinggtli so vrwirrig stifte

[robotnik]

uff dr suechi noch em sinn vom ganze
schyynsch uff em wäg uss gmeintem z'tanze

wär hätt dänggt ass bim dichte
zwei pinggtli so vrwirrig stifte

e Narr bin ich, scho faschd en alte
es duet nümm richtig schalte
funke schbrüdse, rauche duets
mi Gritte meint, es het au guets

[Barty]

e Narr bin ich, scho faschd en alte
es duet nümm richtig schalte
funke schbrüdse, rauche duets
mi Gritte meint, es het au guets

nur funge sprütze, du säuniggel
bringt nid vil mit sovil piggel!

[Mayor]

Jetzt no drey mol schloofe, Jungs
und ändlig gheere d Stroossen uns