FCB-Forum

Hani's nit gsait, die ganz Panik für nüt, es hätt mi au schwer gwunderet wenn's do nit vo dr einte oder andere offizielle Stell en Iisproch gäh hätt. Es hätt in dr ganze Umgäbig no e schöns Puff gäh verkehrstechnisch (und wohl au sünnscht). Es isch jo au no in Lieschtel dr Chienbäse und in Prattele isch au Fasnacht (und in Muttenz, jo erscht am Oobe) hätt mi jo wunder gno wie sie die Lütt scho rein organisatorisch anenander vorbiigschleust hätte und wo die ganze Auto's chönnte parkiere.

Skandal und aifach zu kotze! Jedes Joor dr glych saich! An däm WE het aifach kai Match in Basel z'sy!
Egal ob Fr / Sa od So - es isch alles doof! Am beschte no am Frytig zoobe

Shamrock hat geschrieben:Hani's nit gsait, die ganz Panik für nüt, es hätt mi au schwer gwunderet wenn's do nit vo dr einte oder andere offizielle Stell en Iisproch gäh hätt. Es hätt in dr ganze Umgäbig no e schöns Puff gäh verkehrstechnisch (und wohl au sünnscht). Es isch jo au no in Lieschtel dr Chienbäse und in Prattele isch au Fasnacht (und in Muttenz, jo erscht am Oobe) hätt mi jo wunder gno wie sie die Lütt scho rein organisatorisch anenander vorbiigschleust hätte und wo die ganze Auto's chönnte parkiere.

Denn glaubsch au, es wird erscht spöter noochg'holt (z.B 1,5 oder mehr Wuche)!?
Also,ych als Glaibasler, wo s'Källerte 2012 aktiv mitg'staltet, würd mi sehr freue !!

Laufi hat geschrieben:Denn glaubsch au, es wird erscht spöter noochg'holt (z.B 1,5 oder mehr Wuche)!?
Also,ych als Glaibasler, wo s'Källerte 2012 aktiv mitg'staltet, würd mi sehr freue !!

Es isch do numme umme Sunntig vor em Morgestraich gange, wenn de mainsch es miesst nomol verschobe wärde, dörfsch dich gärn ans offizielle Ok mit dinere Uslegig wände Es sind au scho Spiel während der Fasnacht gsi, nit im Joggeli aber es hett dört au no jede chönne syni Prioritäte setze

laut in fo radio : samstag 19.45h vor dr fasnacht !

Shamrock hat geschrieben:Es isch do numme umme Sunntig vor em Morgestraich gange, wenn de mainsch es miesst nomol verschobe wärde, dörfsch dich gärn ans offizielle Ok mit dinere Uslegig wände Es sind au scho Spiel während der Fasnacht gsi, nit im Joggeli aber es hett dört au no jede chönne syni Prioritäte setze

He was , es isch bis jetzt erscht bekannt, dass es nid am So. stattfindet, meh nid!
Und dorum han ich g'hofft, dass es nid am Sam, stattfindet, weil schiiens de Zindel soöbis g'seit het (Tread läse )...und da Du's so schön erklärt hesch, wiso's verschobe wird, han ich Dich g'froog, ob DU au glaubsch, dass es erscht spöter noochg'holt wird!
z'Kompliziert !?

schnauz hat geschrieben:laut in fo radio : samstag 19.45h vor dr fasnacht !

Das wäre dann der 25.2 oder?

Also 3 Tage nach dem Bayern-Match.

Laufi hat geschrieben:He was , es isch bis jetzt erscht bekannt, dass es nid am So. stattfindet, meh nid!
Und dorum han ich g'hofft, dass es nid am Sam, stattfindet, weil schiiens de Zindel soöbis g'seit het (Tread läse )...und da Du's so schön erklärt hesch, wiso's verschobe wird, han ich Dich g'froog, ob DU au glaubsch, dass es erscht spöter noochg'holt wird!
z'Kompliziert !?

Nei das wurdi nit so schnäll goh, denn am 29.2. isch Länderspiel in Bärn, gwüssi Baslerspieler (Neo-Fasnächtler wie dr Shaqiri etc.) chönne denn 1. scho mol nit an'd Fasnacht 2. es wurdi wohl z'äng mit eme neue Ersatztermin zum finde wärde. Dorum bin ich sehr sehr sicher gsi as es am Samschtig isch

Shamrock hat geschrieben:Nei das wurdi nit so schnäll goh, denn am 29.2. isch Länderspiel in Bärn, gwüssi Baslerspieler (Neo-Fasnächtler wie dr Shaqiri etc.) chönne denn 1. scho mol nit an'd Fasnacht 2. es wurdi wohl z'äng mit eme neue Ersatztermin zum finde wärde. Dorum bin ich sehr sehr sicher gsi as es am Samschtig isch

Shit, denn kah i in dem Fall nid ans Derby !

samschtig isch immer besser als sunntig, kame in rueh vorem match, während em match und nochär in dr stadt suffe, ohni dass me miesst am mäntig mit kater ufstoh

Laufi hat geschrieben:Shit, denn kah i in dem Fall nid ans Derby !

Es sind eifach z'wenig Basler in dere Spielplan Kommision verträte. Sorry aber ich glaub nit as sie dä Match am Fritig grad nach em Bayern Spiel aasetze.
Bi au scho im Juli am Tattoo gsässe wo's Derby gsi isch, hani jo au nit chönne schmegge im Dezember woni Tix gholt han. Dr Häfliger hett denn s'Schluss Resultat vom Match duuregäh und d'Zürcher Zueschauer händ pfiffe (und nit nur die )

fixi hat geschrieben:Das wäre dann der 25.2 oder?

Also 3 Tage nach dem Bayern-Match.

isch doch optimal: fürs grosse spiel am mittwuch no e klei trainingsmätchli !

Shamrock hat geschrieben:Es sind eifach z'wenig Basler in dere Spielplan Kommision verträte. Sorry aber ich glaub nit as sie dä Match am Fritig grad nach em Bayern Spiel aasetze.
Bi au scho im Juli am Tattoo gsässe wo's Derby gsi isch, hani jo au nit chönne schmegge im Dezember woni Tix gholt han. Dr Häfliger hett denn s'Schluss Resultat vom Match duuregäh und d'Zürcher Zueschauer händ pfiffe (und nit nur die )

Champions LeagueFC Basel - FC Bayern München AchtelfinaleMi. 22.02.2012 | 20:45
St. Jakob-ParkAxpo Super LeagueFC Basel - FC Zürich 22. SpieltagSo.26.02.2012 | 16:00
St. Jakob-ParkAxpo Super LeagueFC Basel - FC Luzern 23. SpieltagSo. 04.03.2012 | 16:00
St. Jakob-ParkAxpo Super LeagueGrasshopper Club - FC Basel 24. SpieltagSa. 10.03.2012 | 17:45
LetzigrundChampions LeagueFC Bayern München - FC Basel AchtelfinaleDi. 13.03.2012 | 20:45
Allianz Arena

Wiso nid am Mi.07.03 s'Derby und defür FCB-FCL am Sam.03.03, anstatt So.04.!?
Eso würd's e Fasnächtler plane

wieso sötts de fasnächtler am samschtig vor de fasnacht nid passe? denn isch jo no kei latärne ipfiffe zügs oder was au immer?

4059 hat geschrieben:wieso sötts de fasnächtler am samschtig vor de fasnacht nid passe? denn isch jo no kei latärne ipfiffe zügs oder was au immer?

aber gaaaaanz viel Waageyydringgete mit vielen Gäscht und vieli Fasnachtssitzige vo Clique und Gugge

Tja, wenn man noch jede Lokalveranstaltung berücksichtigen würde, wäre die Meisterschaft im Mai noch nicht zu Ende.

basilisk1893 hat geschrieben:aber gaaaaanz viel Waageyydringgete mit vielen Gäscht und vieli Fasnachtssitzige vo Clique und Gugge

den suffet halt nachhär

sergipe hat geschrieben:Tja, wenn man noch jede Lokalveranstaltung berücksichtigen würde, wäre die Meisterschaft im Mai noch nicht zu Ende.

Sorry, aber d'Fasnacht isch nid irgend e Lokale Aalass. Das isch d'Fasnacht, in däm spezielle Fall dr Morgestraich mit 100'000 Dailnähmer, wo sich Kryzt mit em Datum vom FCB Spiil. Dä Termin weiss d'Schmier scho syt Joorzähnte... dr Match erscht sy em Dezämber. D'Alternative wär, dass d'Ziircher Schugger fir Sicherheit sorge... Das isch ybrigens in jedere Schwiizer Stadt eso. Nur gits nid allzuvill so riese Aaläss wie dr Morgestraich, bzw d'Fasnacht. Kasch sicher sy, dass es in Ziiri nie en Match git wenn die Transverschdidde-Parade isch.

Grundsatz eins:
FCB het Priorität..
Fasnacht foht am Mäntig am 4i a....am Morge, bis und mit 4i am Donnschtig morge..
alles wo vorhär isch isch klimps klamp...
Lätärne Yipfiffe... Wagge besüünis.. ect ect...

d Fasnacht goht für mi 72 Stunde....

sergipe hat geschrieben:Tja, wenn man noch jede Lokalveranstaltung berücksichtigen würde, wäre die Meisterschaft im Mai noch nicht zu Ende.

Do hesch nid unrächt, allerdings grad zwei heimspiel hinterenander in dr baslerfasnachts wuche asetzte isch nid grad klug.
und verzell nid me cha nid uff alles luege, will das isch jo grad s argumänt warum so unssinig oft zwei heim- oder zwei usswärtsspiel nachenender sin und warum nid dr erst und denn wieder dr 10. match gege gliche Gegner isch.

Der Verband isch eifach nid Fuessballfanfründlich..
Wenn scho zu Beginn vo dr Saison bekannt wär wenn welle Match wo isch chönnt me d Ferie plane.
Nid gnueg, reihe si jetzt no regelmässig zwei Heim- an zwei Usswärtsspiel damit wenn Du (gezwungenermasse) blind e Wuche Ferie buecht hesch, grad no 2 Heimspiel verpassisch. No denn Merci vill mol...

Dr.No hat geschrieben:Grundsatz eins:
FCB het Priorität..
Fasnacht foht am Mäntig am 4i a....am Morge, bis und mit 4i am Donnschtig morge..
alles wo vorhär isch isch klimps klamp...
Lätärne Yipfiffe... Wagge besüünis.. ect ect...

d Fasnacht goht für mi 72 Stunde....

Du bisch in dem Fall kei aktive Fasnächtler, wo inere Gugge, Clique oder uff em Wage isch, gäll !?

P.S an alli Motzkis doh usse!!! Als richtige (Glai-)Basler git's genau 3 Termin, wo wirklich wichtig sin und das gültet au für mi:
d'FCB-(Heim)spiel, d'Fasnacht und de Vogel-Gryff!
Vogel-Gryff isch nie e Terminkollisions-Problem und wenn sich dene die andere beide Termin bisse, isch es normal (uff jede Fall für e richtige Basler), dass meh sich drah stört!

Wer behauptet jetzt no öbis anders, bzw. wer outet sich jetzt als "Zugereister", nimmt mi Wunder !?

Brausebad hat geschrieben: Kasch sicher sy, dass es in Ziiri nie en Match git wenn die Transverschdidde-Parade isch.

Falsch! Im August 2002 wurde FCZ gegen FCB (0:4) während der Streetparade angesetzt.

Unser Verband war schon immer unfähig. Bedenklich ist nur, dass man offenbar nichts dazulernt.

Dr.No hat geschrieben:Grundsatz eins:
d Fasnacht goht für mi 72 Stunde....

-> das do.

wobi ich im Fall vomne FCB-CL-Spiel am Zischtig odr Mittwuch e vrkürzti Fasnacht bzw. Fasnacht im Stadion odr vorem TV gha hätt

Laufi hat geschrieben:Du bisch in dem Fall kei aktive Fasnächtler, wo inere Gugge, Clique oder uff em Wage isch, gäll !?

P.S an alli Motzkis doh usse!!! Als richtige (Glai-)Basler git's genau 3 Termin, wo wirklich wichtig sin und das gültet au für mi:
d'FCB-(Heim)spiel, d'Fasnacht und de Vogel-Gryff!
Vogel-Gryff isch nie e Terminkollisions-Problem und wenn sich dene die andere beide Termin bisse, isch es normal (uff jede Fall für e richtige Basler), dass meh sich drah stört!

Wer behauptet jetzt no öbis anders, bzw. wer outet sich jetzt als "Zugereister", nimmt mi Wunder !?

ich bi Aktive Fasnächtler...

isch mi meinig....
mir länge die 72 stunde... dr räscht isch doch alles krims krams :-)

Dr.No hat geschrieben:ich bi Aktive Fasnächtler...
isch mi meinig....
mir länge die 72 stunde... dr räscht isch doch alles krims krams :-)

In was für ne armeselige Gugge oder Clique bisch den Du, wo nid emol Vorfasnacht o.ä macht (Laterneyhpfiffe, Källerte u.v.m)!?

Und Noochfasnacht machet ihr au keini (Bummel, Kehruss?)
...echt truurig

Master hat geschrieben:-> das do.

wobi ich im Fall vomne FCB-CL-Spiel am Zischtig odr Mittwuch e vrkürzti Fasnacht bzw. Fasnacht im Stadion odr vorem TV gha hätt

Das weiss i au no! Isch in de 1.CL Kampagne gsi (i glaub usswärts ManU?) und in de Halbzyt seiht unser Obmaa:"Yhstooh, aber pronto" ....ich hass Ihn hüt no defür

(obwohl ich natürlich au verständnis ha, dass es schiiens Basler git, wo d'Fasnacht liebe, aber mit Fuessball nüd am Huet hän...soll's schiiens geh !)

FCB Match am Vogel Gryff? Laufi gisch mer z'dängge, syt wenn isch dr FCB scho mol an dene 3 mögliche Date im Januar in d'Rückrundi gstartet?

Und was hesch gmacht am Fasnachtsmittwuch wo dr FCB gege Manchester oder Sporting gspielt hett? E Brief an d'UEFA gschriebe oder en Yygoob gmacht as dr Ändstraich vom 20:45 bis Ändi Match innere Beiz aapfiffe wird?

Laufi hat geschrieben:In was für ne armeselige Gugge oder Clique bisch den Du, wo nid emol Vorfasnacht o.ä macht (Laterneyhpfiffe, Källerte u.v.m)!?

Und Noochfasnacht machet ihr au keini (Bummel, Kehruss?)
...echt truurig

All das Zeugs kann man doch verschieben resp. dem FCB anpassen ...

Shamrock hat geschrieben:FCB Match am Vogel Gryff? Laufi gisch mer z'dängge, syt wenn isch dr FCB scho mol an dene 3 mögliche Date im Januar in d'Rückrundi gstartet?

Und was hesch gmacht am Fasnachtsmittwuch wo dr FCB gege Manchester oder Sporting gspielt hett? E Brief an d'UEFA gschriebe oder en Yygoob gmacht as dr Ändstraich vom 20:45 bis Ändi Match innere Beiz aapfiffe wird?

Sorry, erst denken (bzw. lesen), dann schreiben :

1.) Zitat Laufi: Vogel-Gryff isch nie e Terminkollisions-Problem

2.) I ha mich über de Obmaa uff'gregt! Zitat Laufi: Obmaa:"Yhstooh, aber pronto" ....ich hass Ihn hüt no defür

Alles klar Shamy !?

Laufi hat geschrieben:Wer behauptet jetzt no öbis anders, bzw. wer outet sich jetzt als "Zugereister", nimmt mi Wunder !?

Bisch nit du sälber e Schwob