Cocolores hat geschrieben:Dr Gross hett usere Spitzemannschaft ä Gurkemannschaft gformt... bis uff dr Ergic sind alli gange und durch schlechteri Spieler ersetzt worde... es hett nütt mit erfolgsverwöhnt z'tue me hett eifach versagt in Sache Transferpolitik das isch am Gross sini Handschrift. Me hett viel Geld in d'Hand gno für Spieler wo eifach d'Qualität fehlt.. das ich kei Durststrecki oder Krise es fehlt ganz eifach an dr Klass.... es isch nid 1 Position besser besetzt als im 2002. Ich bi sicher mi dr damalige Ersatzbank hätt me mehr erreicht als mit dere Mannschaft hütt.... Vo dem her muess me das eifach realistisch aluege.... Stereo Kawe Berner Zanni Burgmeier und jetzt gohts no wyter miteme Delron Buckley das muess eifach ä end nä. Es wird immer schlimmer... es isch ganz eifach ä Illusion wenn me meint ma cha nächst Joor wyter CL avisiere das isch eifach ä Utopie und isch Grössewahn... Gege wer sött diä Mannschaft chöne bestoh in dr CL?
Me muess jetzt eifach ä Schnitt mache und Konsequenze zieh und versueche s'beschte us dr verfehlte Transferpolitik mache suscht gheit me immer wyter ins Loch... und das wird ä riese Spirale in Gang setze....
welli Spielerposition hett me den adäquat ersetzt vo dere Mannschaft unde?
My Mainig isch, dass em Gross sy Zyt abgloffe-n-isch.
Zum Thema:
Find emool adäquate Ersatz für die abgwanderete Spyyler.....
Dr FCB hett ai Rieseproblem und das isch, dass är e Schwyyzer Verein isch und in dr Gurkeliga spyyle muess. Kai gstandene Ussland-Profi vo Format isch gewillt, do aane koo go schutte. Wär will scho gege Aarau, SH oder Thun aträtte uff Härdöpfelacker ??? Also sinn sy bim FCB fascht ZWUNGE, mittelprächtigi Spyyler z'hoole. D'Mannschaft vom 2002/03 isch e Glücksträffer gsi, womme all 20 Johr villicht emool zämme griegt. Sobald d'Leischtigsträger vomene soone Team wäg göhn, griegsch niene sofort Ersatz, well de halt NUR FC Basel heissisch. Dr einzig Fähler, wo-n-ych em Gross due alaschte, isch, dass är nach em Abgang vom Hakan vo 4-4-2 uff 4-5-1 gwächslet hett, um Spyylussgäng mit vyyl Gegegoal wie in Valencia oder Turin oder Mailand zverhindere. Das System isch e Fähler gsi und wie d'Resultat uss gsehn au gscheiteret. Doch bim Ersetze vo Spyyler hett me in Basel kei Spyylruum gha, es hett vor 1,5 Johr kei bessere RV Verteidiger gha als dr Zanni, wo hett welle zum FCB koo. Genau s'glyyche Problem uff hinde links. Dr Kleber für e Atouba isch nur halbhärzig do gsi und verkörperet genau die These vo mir oobe dra. drnoo hett me nur no dr Berner gfunde.
S'liggt nit am fählende Gäld, das wär jo do, aber de muesch au no Spyyler finde, wo unbedingt in dr Schwyyz wänn ihr Gäld verdiene und Leichtigsträger sinn. Nur eigeni Jungi, das goht schief.
