Laufi hat geschrieben:Was ich dezue sag? DAS isch e richtige Fan in mine Auge, Punggt!!!
das isch ironie, oder?
das sind gründ worum frauefrei stadie gfrorderet wärde und bi so wiiber verstöhnd teil fraue die argumänt sogar sälber..
es isch doch eso schissegal wie die spieler usgsänd!
au wenn me nid vo basel isch, kha me basel liebe.
es isch das kribble jedesmol, wenn me in basel iifahrt mitem zug. mit jedem provinzbahnhöfli à la sissach und muttenz kunnt me sich ziel nöcher, me wird immer freudiger, me seht immer mehr graffitis und schliesslig fahrt me am joggeli, dehei, vrbi, kurz bevor me akhunnt. es sind die erinnerige an so vieli plätz in dr stadt, ob schänzli, schützematt, rankhof, grüen 80, bahnhof, steine, barfi, spaletor, kleibasel.. wo dr durch dr kopf schiesse wenn de ussem bahnhof usekunnsch, s'blinde wüsse welles tram wo ahne fahrt und welle de khasch näh, obwohl de nit ei daag in däre stadt gläbt hesch, aber so viel dört bisch und alles erkundet hesch, sit joohre. es sind die "lueg, dört hämmer doch.. " und "weisch no womer dört.. " sätz, wo immer wieder falle, wenn me ummefahrt. es isch das, jo lueg es isch tattoo, das isch doch toll gsi damals, uf d'mäss freui mi au schowieder, aber vorem match, wämmer dp no in bruune mutz ein go näh? an match, mi erschte match isch scho lang här, jo für gwüssi isches ziitlich villicht nüt. aber es git au mensche die sind nonit gebore gsi wo dr fcb damal uffgschtiege isch, trotudem sind sie go s'spiel luege an dr saisoneröffnig, sie freu sich übere rytschkow und dr cecca, sie singe "karli nooone goool" us tiefschtem härz, drbi händ sie ihn nid emol anähernd könne erläbe i sinere aktive fcb-ziit. für sie sind ergic, chipperfield und costanzo die helde.. me git als schüeler s'ganz ganz wenige gäld us wo me het, zum uff basel fahre, d'tickets kaufe.. und me besorgt sich so schnäll wie möglich, nache de 1. paar siel, e johreskarte, stoht sithär unermiedlich spiel für spiel in dr kurve, git alles für de verein, spart gäld a allne egge und kante um sich s'fandosi könnte leischte..
und ich glaub wirklich NIT das me e bessere fan wär, nur will dr dialäkt e bitz besser passt und uf dr ID e "basel" stoht.
ich persönlig han hald d'erfahrig gmacht dass gwüssi iheimischi was dr fcb goht EXTREM ängstirnig sind, khas gä, aber es git lüüt die sind extrem basel bezoge. klar, ich sag au es isch mi gliebti stadt und selbstverständlig lieb ich au nur ei verein, aber au in lausanne, genf, züri oder im tessin gits sache z'entdecke, aber nei, nei, nume basel! do dängg ich, dass die usswärtige zum teil none bitz wiitsichtiger und offener sind.. (obwohl, e teil macht denn extrem verkrampft uff basel und duet no dümmer.. hm.. )
e gschicht für sich..
edith: und nie würd ich e gedangge drah verschwände, nümmi fcbfans z'si, nur wills nümi lauft.
dä verein isch mi stolz und mi liideschaft. ich würd VIEL gäh, um die früehe ziite könnte miterläbt z'ha, oder z'mindescht d'90er johr, aber ich bi nid alt gnueg.
die saisons wo ich jetzt drbi bi, sind.. naja fascht alli, meh oder weniger genial abgloffe, paar weniger
mir sind jetzt 3x meischter worde das isch schön, aber es wär mr schisseglich wenn mr nach däre saison nid 1. wärde. klar, es würd mi
närve.. irgendwo.. aber d'emotione sind jetzt ändlig wieder uffkoh, es isch nümmi eso ne unerwartigsvolli stimmig, esone sättigung z'spüre gsi wie no
gäge ändi letscht saison. ups und downs khöre zumene fanläbe vo jedem, das duuret jo normalerwiis so um die 60 johr, ei verein kha sicherlich nid so
lang an dr spitze blibe. ich freu mich druff, wenn ichs au ändlig kha erläbe, dass es vo unte wieder uffwärts goht, wenns passiert, eines daages, weissi hald noni..
