FCB-Forum

kosmos hat geschrieben:Cup-Match

Basel - Schaffhausen
4-5 n.P

Weiss jemand wann das war? Ich schätze so vor 12 - 15 Jahren!?

1994. im aufstiegsjahr.

Frühling 1970
Cup 1/2 Final Rückspiel (gab's damals noch...)
FCB - Servette 4-0 oder 4-1, jdfs. klarer Sieg
Nachher bittere Niederlage im Final gg. FCZ in der Verlängerung

Das hier auch schon zitierte 8-2 gg. Luzern war mein erstes aus der MK Perspektive. Einfach nur geil. Unvergessen. Unvergesslich.

es isch glaub gege luzern gsi, alte joggeli 40 000 usverkauft, aber wenn, i dänk mol es wird so kurz nach em ufstieg gsi si.....

the kaiser. hat geschrieben:nov. 89, basel-chenois 2:1 ?

Ich glaube, das war ein Spiel an einem Dienstagabend. Wegen guter Führung wurde ich vor dem Spiel um 18.00 Uhr aus dem Gefängnis entlassen und durfte dafür dem FCB zuschauen.

1967, Basel - Lugano, 1:1 in einem Meisterschaftsspiel. Es war nicht der legendäre Cuphalbfinal. Ich sass neben Papa auf der Tribüne und durfte nicht "Hopp FCB" mitschreien, weil das die anderen Sitzplatzfuzzis mit grauen Hüten und Stumpen im Gesicht gestört hatte. Gewisse Dinge ändern sich nie.

kosmos hat geschrieben:Cup-Match

Basel - Schaffhausen
4-5 n.P

Weiss jemand wann das war? Ich schätze so vor 12 - 15 Jahren!?

1994


keine zehn zeilen

kosmos hat geschrieben:Cup-Match

Basel - Schaffhausen
4-5 n.P

Weiss jemand wann das war? Ich schätze so vor 12 - 15 Jahren!?

1994 (neunzehnhundertvierundneunzig)

[quote="basilea89"]min erschte esch am 31.5. 2003 gsi wos gege Xamax 3:0 gwonne hend ond leider GC in Bern Meischter worde esch! ]


89-er joohrgang ?

Falcão hat geschrieben:1994 (neunzehnhundertvierundneunzig)

Am Ostermontag...

1. Heimspiel: muess irgendwenn Mitti 80er gsi si, gege YB, Resultat weiss ich nüm...

1. Usswärtsspiel: Wohrschinlig e Derby gege OB... ;-)
Aber "so richtig usswärts" im Ufstiegsjohr 1994 gege Delémont.

1. haimspiil: 1:1 gege servette in dr saison 89/90 (bi no glai gsi, bi mit mim babbe uff dr tribyyni gsi und ka mi numme no ans resultat und an gegner erinnere und an dä typ vor mir, wo die ganz zyt sini bierfläsche (!) in dr luft ummegschwänggt het)

1. usswärtsspiil: 0:1 im hardturm (waiss nimme weeles joor, uff jeede fall dert, wo ain im ziircher drämmli e bengale zyndet het)

Mi erschts Haimspiel han y in dr Saison 1983/84 erläbt. Y mag mi jedoch nymmi an Gägner, geschweige denn ans Resultat erinnerä.

Dr erscht Usswärtsmatch isch 10 Joor spöter gsi. Do hett dr FCB in Bulle gspielt und isch in däre Saison no Uffgstiege. Do hett's no Nati B Oscht und Wescht ghe. Ä kurrlige Modus isch das gsi....

1981/82, es regnete und war saukalt. Ausserdem wurde eine neue Stadionbeleuchtung eingeweiht und die Stehplatzabis schlugen um 20 Frangge auf (neu 150 Franken) Und der Matsch war beelendend. Basel - Aarau 2:0. Der Aarauer Kaltaveridis sah Rot.

Irgendwann Anfang der 90er (weiss nicht mehr genau in welchem Jahr): FCB - Servette 3:3

TAFKAE hat geschrieben:1994. im aufstiegsjahr.

Falcão hat geschrieben:1994 (neunzehnhundertvierundneunzig)

The Moose hat geschrieben:Am Ostermontag...

THX...Gibts für solche Fälle eigentlich so ne art online Ran-Datenbank ?

war etwa mitte der neunziger (1994, nati B) als man noch offiziell zeuseln durfte.
glaube es war FCB gegen Luzern, hatte ein trikot mit walkers unterschrifft

Bi miir isch es im 1994 gsii, ains vo de letschte Uffstiigsspiil - waiss aber nüme welles. Haa die zwait Halbzyt gsee, uff der Geegegrade ganz obe uff em Haag.
Haa drum kai Babbe ghaa, wo my mit an FCB Mätsch gnoo het (als Binggis bin y uff de Pferderennblätz umegheit - het dört aber nie so geili Pyro gää ) und haa drum der Wääg ins Joggeli sälber miese finde.
S isch an däm Dag e Aaloss in der Joggelihalle gsi (Disco vo der BLKB) wo my d Kollege im Stich gloo hän, denn bin y gange und ha gsee, dass im Joggeli e Match lauft. Will me doozmool mit em Magic-Kärtli vom Banggverain gratis het kenne an Match goo, han y dänggt me könnt jo mool go luege...

...haa syt denn anderi Kollege

1994 - 1997 Gellertkurve
syt 1997 Muttenzerkurve und Nationali Uswärtsmätsch
syt 2000 Internationali Uswärtsmätch (Wasserballet in Rotterdam)

Mein 1. Match war in der Saison 1985/86 Cup-Halbfinal gegen Servette...
War ein Hammermatch, 0-3 zurück zur Pause,in der Nachspielzeit der Ausgleich (alle Tore von Gerd Strack...)! Aber leider dann in der Verlängerung noch verloren (Penalty)...

1964 uf em Landhof gege d' Zürcher Young Fellows, damals hänn die in der NL A gspielt. Zuschauer ca 6500. Isch ca 2/3 voll gsi.

Mannschaft: (Irrtum vo m im Langzytgedächnis vorbehalte)

Stettler, Füry, Michaud, Stocker; Porlezza, Odermatt, Weber, Pfirter,
Ludwig, "Mucho" - Frigerio, Moscatelli. Nur dr Frigerio us Bellinzona und
dr Moscatelli vo Luzern (Vater vom Mario Moscatelli, wo in dr FCB NLB Zyt in
de Ändi 80er Johr in der 1. Mannschaft vom FCB gspielt het) sin
zuewanderti gsi.

Fallt euch öbis uf ? kai einzige Usländer het in sällere Manschaft gspielt, sicher
8 oder 9 dervo sin waschechti Basler gsi ! Das wird nieme gä!

Internationali sin damals dr Hans Weber (isch leider kurz druf an Kräbs gstorbe)
und der Karli gsi, dr Stettler isch glaub I Goalie No 2. in der damalige Nati
hinter em Elsener gsi.

mi erschte match isch umme 1985/1986 gsi, wo dr benthaus s'traineramt widder überno het. basel het gege wettinge gspielt, und 0-1 verlore....

glaub 1995/96 oder 97 (bini 11gsi)


stoht leider nit uf de billet!

dört bini für e Fünfliber inne cho.....


uswerts saison96/97 gege aarau het glaub 1:0 gendet
(weni mi nit düsch het de Marco Walker s ins lattekrüz troffe)

kosmos hat geschrieben:THX...Gibts für solche Fälle eigentlich so ne art online Ran-Datenbank ?

ich denke die meisten wissen das noch im Kopf (ich zumindest)
aber http://www.rotblau.ch/ unter alle Runden gesuchte Saison eingeben, dann findest du evtl auch dein Spiel

1983, FC Basel - FC Winterthur

basilea2002 hat geschrieben:mi erschte match isch umme 1985/1986 gsi, wo dr benthaus s'traineramt widder überno het. basel het gege wettinge gspielt, und 0-1 verlore....

[KLUGSCHEISSER]Dr Gäägner in däm eerschte Saisonspiil wo me 0:1 verloore het isch Luzärn gsii. Me het sälbertsmool groossi Erwaartige ghaa wil ebe dr Benthaus wieder zruggkoo isch und me au ainigi neiji Spiiler - u.a. dr Strack - boschtet het. D Saison isch denn aber sehr mittelmässig verloffe (mit Usnahm vo dr Halbfinal-Qualifikazioon im Göp), und d Saison druff isch me sogar fascht abgstiige.[/KLUGSCHEISSER]

Lou C. Fire hat geschrieben:Ich sage nur FCB-Brügge!!!!

6:4 ! Isch geil gsi

komposchti hat geschrieben:Stimmt genau. Bevor er aber dieses Tor schoss kam schon recht schnell Unmut auf, weil er, einmal in Ballbesitz, den Ball nicht mehr abspielen wollte. Dies hat ihm dann Benski schnell ausgetrieben und Otteli avancierte in den kommenden Jahren zu einem Schweizer Topspieler.
Mein erster Matchbesuch war übrigens mit meinem Grossvater im 1963 gegen Grenchen auf der Landhoftribüne, der FCB verlor 0:2, damals war Grenchen noch eine "Macht".



Es gab bei YF noch eine zweite Glatze damals und das war Spielertrainer Matus (JUG) und nicht Permunian, wie ich irrtümlicherweise zuerst geschrieben habe.

zum gute Glück bi i nit dr einzigig Dinosaurier in däm Forum ! Aber an Feller ka
i mi au no erinnere !

Querdängger hat geschrieben:6:4 ! Isch geil gsi

D Affiche "Basel-Brügge" het's im Maischtergöp 80/81 nomool gää. Dr FCB het uswäärts 1:0 gwunne (Gool Maissen) und dehai - noch eme Ruggstand - 4:1. Säll isch au e digge Match gsii, kunnt aber nadierlig nit an sälles 6:4 aane; das wiird wohrschyynlig my Lääbe lang s gailschte Fuessballspiil syy wo ych je gsee ha.

mi iistiig isch uswärts gsi - im sunntigsgwändli gege züri, april 1969. dr fcb het 0:1 gwunne und dr jürgen sundermaa hets gool gschosse ...

Tja bi mir do nümm ganz sicher..glaub irgend e Match mit em papi so mit 5-6 Joor weis nümm gege wär isch im Maischterjoor '73 gsi...s erschte wo mi mag errinnere gege Nordstärn uff em rankhof '78 e 1-1...tja gege Nordstärn
Dr erscht Usswärts...tja gib do derzue e Typ lueget das bildli a............isch emol amene Zug ghange

Bi mym erschte FCB-Match hani nochem 3:0 (au endstand) uf de Haupttribüne afo hüle, wels so lut gsi isch!