Hüt bi wunderscheenem Fuessballwätter hets geile Fuessball im Quartier gä. Black mim Ziel dr Uffstig gege dr ander Stadtverein mit ähnliche Ziel.. was me scho am Aafang gspürt het, d Transfers vom Fae bringes. Black mit me asehnliche und guete Start, hän in dr erste Halbzyt e riise Druck uffbaut und sin komplett überläge gsi. Durch e Konter hets denn s 0:1 gä, e schöns Goal vo Congeli gsi. In dr Folg het sich Congeli nur no kenne in d Verteidigung rette und so hets zerscht e (unerlaubte) Rüggpass gä wo dr Goalie in d Hand gno het. Freistoss und s 1:1, paar Minute spöter het dr Goalie vo Congeli sich nur no mit'ere Notbrämsi kenne rette. Rot und Penalty für Black, notürligg s 2:1. Durch die eigene Arroganz und e Unachsamkeit hets denn nach me stehende Ball no s 2:2 gä für Congeli. Nach em Pausetee het Black s Tempo enorm verschärft und isch so no zue 2 Goal cho, sehr verdient. Congeli het me nur no ab und zue mit me Konter verno.
Alles in allem e super Saisonstart gsi für unseri Black und e scheene Fuessballtag, Basler Amateurfuessball läbt. Abgschlosse isch dass durch e geile Oobe mit de Diefflieger worde.
Nögschde Samschtigs gohts für Black witer, 2. Spiel gege dr FC Bade usswärts.
