Goldust hat geschrieben: ↑05.04.2024, 07:49
aber item: wieni scho mehrfach gseit ha: die romantisierig vomene abstiig isch verheehrend. i weiss nit, wie alt du bisch, aber kasch mr glaube - ich ha das erläbt und es isch meh als trischt. weme hüt an die nati b zit dänkt, dänkt me nur ans spiel gege dr fcz mit 54k zueschauer und and crossair in gänf und "nie me nati b". an was me nid dänkt, sin langi laaaaangi joor gege füüdle gegner wie wettige und carouge, an e läärs joggeli mir 3k mensche.
42k sinns gsi
Drzue dänki no an 2x 34 gäge Luzern und GC, an d Cup Kampagne mit jenschte Sieg über NLA Teams, wo denn im HF gäge ä B Team gändet hett. I dänk and Qualirundi mit lutter Heimsieg zu 0 (plus ä 0:0 gege Yverdon). I dänk an immer wiederkehrendi Euphorie (wo denn plötzlich mol 8 statt 3000 ufftaucht sinn), aber au an immer wiederkehrendi Entdüschige. I dänk an luschtigi Usswärtsfahrte in d Provinz, oder in die „grosse“ Städt zum denn aber ä Quartier- oder Vorortclub go luege wie Bümpliz, Mallay, Chenois, Carouge, Urania, Kriens, Emmenbrücke oder dr FCZ, wo dozmol jo no dr Quartierclub vo Züri gsi isch….
Und i dänk dra, dass mr dörr scho gwüsst hänn, dass mr eigentlig die beschte sinn, die wo nid ins B gehöre, die wo uffe Thron vom CH Fuessball ghöre! So isch es denn au ko, irgendwenn…
Schön wars, aber wie du seisch, isch das 35 Johr här. Lömmers dört wos isch. Dorum: Sieg uff dr Pontaise und dehei gäge Servette! Oder so