SubComandante hat geschrieben: ↑07.08.2021, 16:37
Hört mal auf mit Bevölkerungswachstum als Schuldigen für Klimawandel zu sehen. Das ist Bullshit.
Isch nit Bullshit, isch Tatsach. Es goht do nit um linggi Ideene, es goht drum, d'Wält z'rette.
Mit 80 Mio Mensche meh pro Joor isch d'Wält im Undergang gwaiht. Au diä 80 Mio bruche z'ässe, egal wo sy läbe, me muess drfyr pro Joor Flechänä vo mehrerä 1000 Fuessballfälder Wald abholze.
Offebar isch dr Flaischkonsum no vill schlimmer als i bis vor kurzem no gmaint ha. 10% vo de wältwyte Tribhusgas isch Methan vo de Rinder. I has zerscht gar nit khenne glaube. Aber ebbe, vili Mensche finde, wenn nit e rächts Stigg Flaisch um em Tisch isch, het me nit rächt gässe.
Fazit: 50% weniger Flaischkonsum, konschdanti Aazahl Mensche uf dr Wält, Katalysatore in d'Schiffsmotore **, und scho wäre e grossi Schritt gmacht, obwohl das no nit alles isch.
** Wenn ellai 47 Gryzfahrtschiff 10x so vill Luft verpeschte wiä alli 265 Mio PKW in Eyropa, denn sinn alli Massnahme gege Autofahrer Pinöts im Verglych zur Schifffahrt.
Elderi Semerschder erinnere sich, dass d'Luft in Basel vo 40 Joohr um Wälte schlächter gsy isch als jetz. Bi emol vor 40 Joor dur Basel tschoggt, i ho no dagelang dr Ruess in dr Lunge gspyrt. I ha nochere Velofahrt vo Glaihinige zum Gellert miesse go dusche, will Händ und Kopf voller Autoabgas und Drägg us dr Ciba-Geigy gsy isch. Hitzudaag isch das kai Thema meh. Me kha au sit vilne Joor wyder im Rhy schwimme, zu minere Jugend absolut undänggbar.
Dummerwys goht's de Lingge weniger ums Klima, sondern numme drum, ihrne Fainde s'Autofaahre usztybe. Wäge dam behaupte sy immer, dass d'Zuenahm vo dr Wältbeveelgerig irrelevant isch. Grund: So kheme no meh Lyt us Afrika wome kha bi uns ybigere und wo denn linggs wähle.
Wäre d'Auti no immer Dräggschleydere wiä in de 1970er Joohr, miässt mä privati Auti vrbiäte. Wenn ab und zu e Oldtaimer vrbyfahrt, stinggt d'Luft schregglig. Es hätt per Joohrhundert-Wändi miesste duregsetzt wärde, dass alli alte Auti mit emene Katalysator usgrischdet wärde. Bi e bitz yberrascht, dass di Linggä kaini so forderige stelle.